ARCHIV für Philologie und Pädagogik. Begründet von M. Joh. Christ. Jahn. Gegenwärtig herausgegeben von Prof. Reinhold Klotz zu Leipzig und Prof. Rudolph Dietsch zu Grimma. Vierzehnter Band. Erstes Heft. Leipzig, 1848. 1-3. Sententia: Negotiis homines intentos esse decet; sed quod animus imperator, corpus servus magis est, eo rectius videtur ingenii quam virium opibus ad negotia collatis gloriam quaerere. 4. Prius paragraphi enuntiatum nescio an sic a Sallustio scriptum fuerit: Nam illarum, sicuti divitiarum et formae, gloria fluxa atque fragilis est. Ut nunc legitur, explicandum: Quibus rebus praeterea gloria paratur, divitiis et forma, eas non memoravi, quod earum gloria fluxa atque fragilis est. Quod dicere si voluisset Sallustius, omissurus posterius enuntiatum, virtus clara aeternaque habetur, in hoc non minus quam virium vel simile aliquid iis, quae posuit, additurus videtur fuisse. De sententia cfr. Iug. 2, 2. Fragilis et aeterna, fluxa et clara inter se opponi putat Dietschius. At neque fluxae, i. e. instabiles, res sine claritate, i. e. lumine, sint necesse est, neque gloria fingi potest, quin sit clara. Itaque fluxa non minus quam fragilis existimandum est opponi vocabulo aeterna. Virtus clara aeternaque habetur, i. e. qui virtutem habent, gloriam habent aeternam. - 6. Mature cur additum sit, non intelligo: nam si quam rem facere consilium ceperis, ad consilium per se indigens interest, ut facias; ut mature facias, ad rem ipsam, si aliter aut non sit aut male futura, interest. 7. Ante ita hoc loco pariter atque 15, 4 ponendum est semicolon. Non recte Fabrius:,,Alterum steht in der Apposition oder Epexegese zu utrumque, wie sonst oft quisque nach omnes, multi etc.“ Nam utrumque duo non conjuncta significat, sed alterum ab altero separata. Itaque alterum delendum videtur. Cfr. Iug. 18, 12: Deinde utrique alteris freti etc. |