De maleficijs conmictendis per stipendiarios . XVI.

De questionibus diffiniendis extra ordinem. XVII.

De termino dando pro aliquo equo vel ronzino insufficiente. XVIII.

De probatione facienda pro equo mortuo vel devastato. XIX.

De termino ad faciendam probationem pro equo mortuo vel devastato. XX.

De menda equi mortui vel devastati, XXI,

De equis et armis non vendendis vel recipiendis in pignore. XXII.

De non vendendo aliquam postam vel mutando sibi nomen. XXIII.

De non absentando se de civitate pisana . XXIIII.

De non mutuando equum vel ranzinum vel curserium sine licentia. XXIIIII.

De non bibendo vel conmedendo cum aliquo cive .XXVI. De equitatore habendo loco stipendiarij infirmi. XXVII. De non tenendo in domo sua aliquem stipendiarium. XXVIII.

De equis non recipiendis nisi ad rischum comunis. XXVIIII. De equo non scribendo ad soldum. XXX.

De menda non facienda de equo mortuo ex maganea scripta in actis pisani comunis . XXXI.

De mostra fienda . XXXII.

De numero stipendiariorum non recipiendis sine licentia anthianorum. XXXIII.

De stipendiariis non recipiendis ante tempus mostre, XXXIIII.

De ordinamentis revidendis. XXXV.

De predictis ordinamentis habendis in scriptis. XXXVI.
De termino assignando pro equo infirmato . XXXVII.
De videndo extimationem equi devastati vel mortui.
XXXVIII.

De cabella non solvenda a stipendiarijs . XXXVIIII.
De mariscalchis eligendis . XL.

De stipendiarijs inventis culpabilibus pro proditione. XLI.
De electione suprastantum . XLII.

Consilium senatus et credentie dominorum Anthianorum pisani populi et eorum consilii minoris et maioris . videlicet quindecim per quarterium et duodecim populi Consulum maris, Consulum mercatorum, Consulum artis lane. Capitaniorum et Priorum septem artium a nobili milite domino Nicolao de Armannis de Perusio, Pisanorum Dei gratia potestate pro comuni pisanio sub sacramento petitum. Cum ordinamenta masnade ab equo pisani Comunis facta et conposita sint noviter per sapientes viros a dominis Anthianis pisani populi electos et scripta per Benem de Calci notarium cum dictis sapientibus. Et veniant ractificanda et approbanda nostro Consilio simul cum quibusdam addictionibus et declarationibus ibi factis per dominos Anthianos. Et cum aliis ordinatis et conprehensis indictis (sic) ordinamentis pro ut infra scribuntur. et vobis lecta sunt de verbo ad verbum et super hiis requiratur auctoritas nostri consilii. Si consulitis et placet vobis quod dicta ordinamenta cum addictionibus et aliis predictis pro ut et sicut infra scribuntur de verbo ad verbum, confirmentur, ratificentur et approbentur. Et intelligantur et sint facta et ex nunc ractificata et approbata habeantur et sint auctoritate nostri consilii et valeant, teneant et serventur et executioni mandentur per omnia nostro consilio; contrarietate aliqua non obstante vel si aliud inde nobis placet et sit faciendum pro Comuni pisano dicite

et consulite.

Quorum ordinamentorum tenor talis est.

Infrascripta sunt ordinamenta masnade ab equo pisani Comunis facta et conposita per infrascriptos sapientes viros ab Anthianis pisani populi ad hec electos. Currentibus annis Domini millesimo trecentesimo vigesimo sexto, indictione nona de mense ianuarii.

Quorum sapientum nomina sunt hec.

Dominus Bonaiuncta de Vico.

Dominus Bartholemeus Mussus.

Bonaiuncta Accapti.

Pierus Cinquini.

Bindus Benecti.

Vannes Bocticelle.

Bene de Calci notarius cum eis, qui ipsa ordinamenta scripsit.

Qualiter stipendiarii tenentur obedire dominis Anthianis,

I.

In primis ordinaverunt quod dicta masnada tota tam ultramontana quam ytaliana teneatur obedire et obediat dominis Anthianis pisani populi qui sunt et pro tempore fuerint in singulis eundo, stando et redeundo et faciendo pro ut eis ipsi Anthiani mandaverint.

Qualiter Masnada tempore rumoris vel ignis

teneatur trahere.

II.

Et quod quotiens pro igne vel alia causa rumor esset vel suscitaretur in civitate pisana de die vel de nocte, dicta Masnada trahat et trahere debeat ad palatium predictorum Anthianorum et esse in platea sancti Sixti, videlicet ab angulo ecclesie sancti Petri in curte veteri versus et circa pu. teum platee sancti Sixti, et obediat et obedire teneatur dictis Anthianis in singulis mandatis eorum stando, eundo et faciendo prout eis mandatum fuerit.

Qualiter stipendiarii suprascripti facta eorum mostra tenentur conparere coram dominis Anthianis et iurare eorum obedientiam.

III.

Et quod tempore cuiusque mostre generalis banderarii et alii de ipsis banneriis, videlicet bannerarius cum illis de sua banneria statim facta sua mostra conparere teneatur coram dominis Anthianis qui tunc erunt et in eorum presentia singulariter iurare obedientiam eorum. Et suprastantes masnade teneantur eos secum ducere ad ipsum iuramentum prestandum.

De bannerario non habendo ultra tres

equitalores tantum.

IV.

Et quod quilibet bannerariorum masnade ultramontane qui sociati non erunt sed soli fuerint, habere possit positas seu equitatores tres tantum et non ultra, et quilibet bannerarius qui fuerit sociatus habere possit equitatores tres

tantum.

Qualiter miles non potest habere ultra duos equitatores.

V.

Item quod quilibet miles scriptus et scribendus ad dictum soldum habere possit equitatores duos tantum.

Qualiter domicellus non potest habere
ultra unum equitatorem.

VI.

Et nullus domicellus scriptus vel scribendus ad dictum soldum habere possit ultra unum equitatorem tantum.

Qualiter Conestabiles debeant jurare si scirent aliquam fraudem aliquem conmictentem denunciando.

VII.

Item quod quando fiet mostra generalis dicte masnade et etiam singulo mense tempore quo eis scibietur eorum soldum sine paga teneantur et debeant supradicte masnade facere jurare omnes Conestabiles de masnade (sic) quod dicant et manifestent dictis suprastantibus si sentirent vel scirent aliquam fraudem intra stipendiarios dicte masnade videlicet aliquam postam celatam, aliquem qui responderent pro alio nomine quam pro suo, aliquem equitatorem qui responderet pro capo cavallo. Pena et banno pro quolibet contrafaciente, et qualibet vice, perditionis armorum et equorum suorum et ultra arbitrio suprastantum,

De equis et ronzinis non recipiendis.

VIII.

Item quod suprastantes predicti teneantur sacramento non recipere aliquem equum curserium vel ronzinum restium bul. sum vel capomoribum habentem vel doliosum.

De valentia equi recipiendi ad stipendium.

IX.

Item quod quilibet equus recipiendus ad dictum soldum et stipendium sit et esse debeat valoris florenorum vigintiquinque auri. Curserius sit valoris florenorum quindecim, et ronzinus sit valoris florenorum decem ad minus.

De parte elevanda de extimatione equi vel ronzini.

X.

Item quod de qualibet extimatione facta de quocunque equo curserio et ronzino elevetur quarta pars ipsius extimaper suprastantes masnade.

tionis

De elevatione faciendis de paghis stipendiariorum

tempore mostre.
XI.

Item quod tempore mostre generalis fiende per stipendiarios dicte masnade quando solvetur ipsi masnade detrahantur per camerarios pisani Comunis de qualibet paga aquileni quattuor grossi, duos quorum habeat notarius dicte masnade, terzium habeant mariscalci Comunis, et quartus remaneat ipsis camerariis pro Comuni pisano mictendus per notarios dictorum camerariorum in eorum introitu ultra grossum consuetum teneri, qui dividatur more solito ut infra dicitur. Et de hoc, videlicet de faciendo poni ad introitum Camere dictum grossum teneantur suprastantes masnade sacramento et sub pena soldorum centum.