Immagini della pagina
PDF
ePub

EPITOME LIBRI XII.

QUUM legati Romanorum a Gallis Senonibus interfecti essent, bello ob id Gallis indicto, L. Cæcilius prætor cum legionibus ab iis cæsus est. Quum a Tarentinis classis Romana direpta esset, duumviro qui præerat classi occiso, legati ad eos a senatu ut de iis injuriis quererentur missi, pulsati sunt. ob id, bellum iis indictum est. Samnites defecerunt. Adversus eos, et Lucanos, et Bruttios, et Etruscos, aliquot præliis a compluribus ducibus bene pugnatum est. Pyrrhus Epirotarum, rex, ut auxilium ferret Tarentinis, in Italiam venit. Quim in præsidium Rheginorum legio Campana cum præfecto Decio Jubellio missa esset, occisis Rheginis Rhegium occupavit.

EPITOME LIBRI XIII.

VALERIUS LEVINUS consul parum prospere adversus Pyrrhum pugnavit, elephantorum maxime inusitata facie territis militibus. Post id prælium quum corpora Romanorum, qui in acie ceciderant, Pyrrhus inspiceret, omnia versa in hostem invenit: populabundusque ad urbem Romam processit. C. Fabricius missus ad eum a senatu, ut de redimendis captivis ageret, frustra ut patriam desereret a rege tentatus ést. captivi sine pretio remissi sunt. Cineas legatus a Pyrrho ad senatum missus petiit, ut componendæ pacis causa rex in urbem reciperetur. de qua re quum ad frequentiorem senatum referri placuisset, Ap. Claudius, qui propter invaletudinem oculorum jamdiu consiliis publicis se abstinuerat, venit in curiam, et sententia sua tenuit, ut id Pyrrho negaretur. Cn. Domitius censor primus ex plebe lustrum condidit. censa sunt civium capita CCLXXVIII. millia, CCXXII. Iterum adversus Pyrrhum dubio eventu pugnatum est. 1 Cum Carthaginiensibus quarto fœdus renovatum est. Quum C. Fabricio consuli, is qui ad eum a Pyrrho transfugerat, polliceretur se regi venenum daturum, cum indicio ad regem remissus est. Res præterea contra Etruscos, Lucanos, Bruttios, et Samnites, prospere gestas continet.

1 Cum Carthaginiensibus quarto fœdus renovatum est] Vid. not. 61. ad ix. 43,

EPITOME LIBRI XIV.

PYRRHUS in Siciliam trajecit. Quum inter alia prodigia fulmine dejectum esset in Capitolio Jovis signum, caput ejus per haruspices inventum est. Curius Dentatus, quum delectum haberet, ejus qui citatus non responderat, bona primus vendidit. Pyrrhum iterum ex Sicilia in Italiam reversum vicit, et Italia expulit. Fabricius censor P. Cornelium Rufinum consularem senatu movit, quod is decem argenti pondo facti haberet. Lustro a censoribus condito, censa sunt capita civium CCLXXI. millia, CCXXIV. Cum Ptolemæo Egypti rege societas juncta est. Sextilia virgo Vestalis damnata incesti, viva defossa est. Coloniæ deducta sunt, Posidonia et Cossa. Carthaginiensium classis auxilio Tarentinis venit, quo facto ab iis foedus violatum est. Res præterea contra Lucanos, Samnites; et Bruttios feliciter gestas, et Pyrrhi regis mortem continet.

EPITOME LIBRI XV.

VICTIS Tarentinis pax et libertas data est. Legio Campana, quæ Rhegium occupaverat, obsessa, deditione facta, securi percussa est. Quum legatos Apolloniatium ad senatum missos quidam juvenes pulsassent, dediti sunt Apolloniatibus. Picentibus victis pax data. coloniæ deducta, Ariminum in Piceno, Beneventum in Samnio. Tunc primum populus Romanus argento uti cœpit. Umbri et Sallentini victi, in deditionem accepti sunt. Quæstorum numerus ampliatus est, ut es

sent octo.

EPITOME LIBRI XVI.

ORIGO Carthaginiensium, et primordia urbis referuntur: contra quos et Hieronem regem Syracusanorum auxilium Mamertinis ferendum censuit senatus, quum de ea re inter suadentes ut id fieret, dissuadentesque, contentio fuisset: 1 transgressisque tum primum mare equitibus Romanis, adversus Hieronem

1 Transgressis...tum primum mare vero et pedites Romani mare transgressi equitibus Romanis] An soli equites, non sunt? Rescribimus, exercitibus.

sæpius bene pugnatum. Petenti pax data est. Lustrum a censoribus conditum. censa sunt civium capita CCXCII. millia, CCXXIV. D. Junius Brutus munus gladiatorium in honorem defuncti patris edidit primus. Colonia sernia deducta est. Res præterea contra Panos et Vulsinios prospere gestas conti

net.

EPITOME LIBRI XVII.

CN. CORNELIUS consul a classe Punica circumventus, et per fraudem veluti in colloquium evocatus, captus est. C. Duilius consul adversus classem Panorum prospere pugnavit, primusque omnium Romanorum ducum navalis victoria duxit triumphum. ob quam causam ei perpetuus honos habitus est, ut revertenti a cœna, tibicine canente, funale præferretur, L. Cornelius consul in Sardinia et Corsica contra Sardos, et Corsos, et Hannonem Pœnorum ducem feliciter pugnavit. Atilius Calatinus consul quum in locum iniquum a Pœnis circumsessum temere duxisset exercitum, M. Calpurnii tribuni militum virtute et opera evasit, qui, cum trecentis militibus eruptione facta, hostes, in se converterat. Annibal dux Pœnorum, victa classe cui præfuerat, a militibus suis in crucem sublatus est.

EPITOME LIBRI XVIII.

ATILIUS REGULUS consul victis navali prælio Pœnis in Africam trajecit: et ibi serpentem portentosa magnitudinis cum maxima militum clade occidit: et, quum aliquot præliis bene adversum Carthaginienses pugnasset, successorque ei a senatu prospere bellum gerenti non mitteretur, idipsum per litteras ad senatum missas conquestus est, in quibus inter causas petendi successoris erat, quod agellus ejus a mercenariis esset desertus. Quærente deinde fortuna ut magnum utriusque casus exemplum in Regulo proderetur, arcessito a Carthaginiensibus Xanthippo Lacedæmoniorum duce, victus prælio et captus est. Res deinde a ducibus Romanis omnibus terra marique prospere gestas deformavere naufragia classium. Ti. Coruncanius primus ex plebe pontifex maximus creatus est. P. Sempronius Sophus, Man. Valerius Maximus censores quum senatum legerent, XIII. senatu moverunt. lustrum condiderunt, quo censa sunt civium capita ccxcvII. millia,

DCCXCVII. Regulus missus a Carthaginiensibus ad senatum, ut de pace, et, si eam non posset impetrare, de captivis commutandis ageret, et jurejurando adstrictus rediturum se Carthaginem, si commutari captivos non placuisset, utrumque negandi auctor senatui fuit: et quum fide custodita reversus esset, supplicio a Carthaginiensibus de eo sumpto, periit.

EPITOME LIBRI XIX.

CÆCILIUS METELLUS, rebus adversus Poenos prospere gestis, speciosissimum egit triumphum, XIII. ducibus hostium, et cxx. elephantis in eo ductis. Claudius Pulcher consul contra auspicia profectus, jussis immergi pullis qui cibari nolebant, infeliciter adversus Carthaginienses classe pugnavit, et revocatus a senatu, jussusque dictatorem dicere, Claudium Gliciam dixit, sortis ultimæ hominem: qui coactus abdicare se magistratu, postea ludos prætextatus spectavit. Atilius Calatinus primus dictator extra Italiam exercitum duxit. Cum Panis captivorum commutatio facta est. Coloniæ deducta sunt, Fregend, in agro Sallentino Brundusium. Lustrum a censoribus conditum est. censa sunt civium capita CCLI. millia CCXXII. Claudia soror P. Claudii, qui contemptis auspiciis male pugnaverat, a ludis revertens, quum turba premeretur, dixit: Utinam frater meus viveret, iterumque classem duceret! ob eam causam mulcta ei dicta est. Duo prætores tum primum creati sunt. Cæcilius Metellus pontifex maximus A. Postumium consulem, quoniam idem et flamen Martialis erat, quum is ad bellum gerendum proficisci vellet, in urbe tenuit, nec passus est a sacris recedere. Rebus adversus Pœnos a pluribus ducibus prospere gestis, summam victoriæ C. Lutatius consul, victa ad gates insulas classe Pœnorum, imposuit. Petentibus Carthaginiensibus pax data est. Quum templum Vesta arderet, Cæcilius Metellus pontifex maximus ex incendio sacra rapuit. Dua tribus adjecta sunt, Velina et Quirina. Falisci quum rebellassent, sexto die perdomiti, in deditionem venerunt.

EPITOME LIBRI XX.

SPOLETUM colonia deducta est. Adversus Ligures tunc primum exercitus promotus est. Sardi et Corsi, quum rebellassent, subacti sunt. Tuccia virgo Vestalis incesti damnata est. Bellum Illyriis propter unum ex legatis, qui ad eos missi erant, occisum, indictum est: subactique in deditionem venerunt. Prætorum numerus ampliatur est, ut essent quatuor. Galli

Transalpini, qui in Italiam irruperant, cæsi sunt. Eo bello populus Romanus sui Latinique nominis ccc. millia armatorum habuisse dicitur. Exercitibus Romanis tum primum trans Padum ductis, Galli Insubres aliquot præliis fusi, in deditionem venerunt. M. Claudius Marcellus consul, occiso Insubrium Gallorum duce Viridomaro, opima spolia retulit. Istri subacti sunt. Item Illyrii, quum rebellassent, domiti in deditionem venerunt. Lustrum a censoribus conditum est, quo censa sunt civium capita CCLXX. millia ccxIII. Libertini in quatuor tribus redacti sunt, quum antea dispersi per omnes fuissent; Esquilinam, Palatinam, Suburranam, Collinam. C. Flaminius censor viam Flaminiam munivit, et Circum Flaminium exstruxit. Coloniæ deductæ in agro de Gallis capto, Placentia et Cremona.

« IndietroContinua »