Fecerat, et tenui telas discreverat auro. Harum unam juveni supremum mæstus honorem Induit, arsurasque comas obnubit amictu; Multaque præterea Laurentis præmia pugnæ Aggerat, et longo prædam jubet ordine duci. Addit equos et tela, quibus spoliaverat hostem. Vinxerat et post terga manus, quos mitteret umbris Inferias, caso sparsuros sanguine flammam ; Indutosque jubet truncos hostilibus armis Ipsos ferre duces, inimicaque nomina figi. Ducitur infelix ævo confectus Acœtes,
Pectora nunc fœdans pugnis, nunc unguibus ora; Sternitur, et toto projectus corpore terræ.
Ducunt et Rutulo perfusos sanguine currus. Post bellator equus, positis insignibus, Ethon It lacrimans, guttisque humectat grandibus ora. Hastam alii galeamque ferunt; nam cetera Turnus Victor habet. Tum mæsta phalanx Teucrique sequuntur, Tyrrhenique duces, et versis Arcades armis." Postquam omnis longe comitum processerat ordo, Substitit Æneas, gemituque hæc addidit alto: "Nos alias hinc ad lacrimas eadem horrida belli Fata vocant. Salve æternum mihi, maxime Palla, Eternumque vale." Nec plura effatus ad altos Tendebat muros, gressumque in castra ferebat. Jamque oratores aderant ex urbe Latina, Velati ramis oleæ, veniamque rogantes: Corpora, per campos ferro quæ fusa jacebant, Redderet, ac tumulo sineret succedere terræ ; Nullum cum victis certamen et æthere cassis; Parceret hospitibus quondam socerisque vocatis. Quos bonus Eneas, haud aspernanda precantes, Prosequitur venia, et verbis hæc insuper addit: "Quænam vos tanto fortuna indigna, Latini, Implicuit bello, qui nos fugiatis amicos ? Pacem me exanimis et Martis sorte peremtis Oratis? equidem et vivis concedere vellem. Nec veni, nisi fata locum sedemque dedissent; Nec bellum cum gente gero: rex nostra reliquit Hospitia, et Turni potius se credidit armis. Equius huic Turnum fuerat se opponere morti. Si bellum finire manu, si pellere Teucros Apparat, his mecum decuit concurrere telis; Vixet, cui vitam deus aut sua dextra dedisset. Nunc ite, et miseris supponite civibus ignem." Dixerat Æneas. Olli obstupuere silentes;
Conversique oculos inter se atque ora tenebant. Tum senior semperque odiis et crimine Drances Infensus juveni Turno sic ore vicissim
Orsa refert: "O fama ingens, ingentior armis, Vir Trojane, quibus cœlo te laudibus æquem? Justitiæne prius mirer, belline laborum ? Nos vero hæc patriam grati referemus ad urbem ; Et te, si qua viam dederit fortuna, Latino Jungemus regi. Quærat sibi fœdera Turnus. Quin et fatales murorum atollere moles, Saxaque subvectare humeris Trojana juvabit." Dixerat hæc, unoque omnes eadem ore fremebant. Bis senos pepigere dies, et pace sequestra Per silvas Teucri, mixtique impune Latini, Erravere jugis. Ferro sonat icta bipenni Fraxinus; evertunt actas ad sidera pinus; Robora nec cuneis et olentem scindere cedrum, Nec plaustris cessant vectare gementibus ornos.
Et jam Fama volans, tanti prænuncia luctus, Evandrum Evandrique domos et moenia complet, Quæ modo victorem Latio Pallanta ferebat. Arcades ad portas ruere, et de more vetusto Funereas rapuere faces. Lucet via longo Ordine flammarum, et late discriminat agros. Contra turba Phrygum veniens plangentia jungunt Agmina. Quæ postquam matres succedere tectis Viderunt, mæstam incendunt clamoribus urbem. At non Evandrum potis est vis ulla tenere; Sed venit in medios. Feretro Pallanta reposto Procubuit super, atque hæret lacrimansque gemensque, Et via vix tandem voci laxata dolore est :
Non hæc, o Palla, dederas promissa parenti.
Cautius ut sævo velles te credere Marti!
Haud ignarus eram, quantum nova gloria in armis, Et prædulce decus primo certamine posset. Primitia juvenis misera! bellique propinqui Dura rudimenta! et nulli exaudita deorum Vota precesque mea! tuque, o sanctissima conjux, Felix morte tua, neque in hunc servata dolorem! Contra ego vivendo vici mea fata, superstes Restarem ut genitor. Troum socia arma secutum Obruerent Rutuli telis! animam ipse dedissem, Atque hæc pompa domum me, non Pallanta, referret! Nec vos arguerim, Teucri, nec fœdera, nec quas Junximus hospitio dextras; sors ista senectæ Debita erat nostræ. Quod si immatura manebat
Mors natum, cæsis Volscorum millibus ante, Ducentem in Latium Teucros cecidisse juvabit. Quin ego non alio digner te funere, Palla, Quam pius Æneas, et quam magni Phryges et quam Tyrrhenique duces, Tyrrhenum exercitus omnis. Magna tropea ferunt, quos dat tua dextera leto; Tu quoque nunc stares immanis truncus in armis; Esset par ætas, et idem si robur ab annis, Turne. Sed infelix Teucros quid demoror armis ? Vadite, et hæc memores regi mandata referte: Quod vitam moror invisam, Pallante peremto, Dextera causa tua est; Turnum natoque patrique Quam debere vides. Meritis vacat hic tibi solus Fortunæque locus. Non vitæ gaudia quæro, Nec fas: sed nato manes perferre sub imos." Aurora interea miseris mortalibus almam Extulerat lucem, referens opera atque labores. Jam pater Æneas, jam curvo in litore Tarchon
corpora quisque suorum More tulere patrum; subjectisque ignibus atris Conditur in tenebras altum caligine cœlum. Ter circum accensos, cincti fulgentibus armis,
Decurrere rogos; ter mæstum funeris ignem Lustravere in equis; ululatusque ore dedere. Spargitur et tellus lacrimis, sparguntur et arma. It cœlo clamorque virum clangorque tubarum. Hinc alii spolia occisis derepta Latinis Conjiciunt igni, galeas, ensesque decoros, Frenaque, ferventesque rotas; pars munera nota, Ipsorum clipeos, et non felicia tela.
Multa boum circa mactantur corpora Morti; Sætigerosque sues raptasque ex omnibus agris In flammam jugulant pecudes. Tum litore toto Ardentes spectant socios, semiustaque servant Busta; neque avelli possunt, nox humida donec Invertit cœlum stellis fulgentibus aptum.
Nec minus et miseri diversa in parte Latini Innumeras struxere pyras; et corpora partim Multa virum terræ infodiunt, avectaque partim Finitimos tollunt in agros, urbique remittunt : Cetera, confusæque ingentem cædis acervum, Nec numero nec honore cremant; tunc undique vasti Certatim crebris collucent ignibus agri.
Tertia lux gelidam cœlo dimoverat umbram: Mærentes altum cinerem et confusa ruebant Ossa focis, tepidoque onerabant aggere terræ. Jam vero in tectis prædivitis urbe Latini Præcipuus fragor, et longi pars maxima luctus. Hic matres, miseræque nurus, hic cara sororum Pectora mærentum, puerique parentibus orbi, Dirum exsecrantur bellum Turnique hymenæos; Ipsum armis, ipsumque jubent decernere ferro, Qui regnum Italiæ et primos sibi poscat honores. Ingravat hæc sævus Drances, solumque vocari Testatur, solum posci in certamina Turnum. Multa simul contra variis sententia dictis Pro Turno; et magnum reginæ nomen obumbrat ; Multa virum meritis sustentat fama tropæis.
Hos inter motus, medio in flagrante tumultu,
Ecce, super mæsti magna Diomedis ab urbe Legati responsa ferunt: nihil omnibus actum Tantorum impensis operum; nil dona, neque aurum, Nec magnas valuisse preces; alia arma Latinis Quærenda, aut pacem Trojano ab rege petendam. Deficit ingenti luctu rex ipse Latinus. Fatalem Enean manifesto numine ferri, Admonet ira deum, tumulique ante ora recentes. Ergo concilium magnum, primosque suorum
Imperio accitos, alta intra limina cogit. Olli convenere, fluuntque ad regia plenis Tecta viis. Sedet in mediis et maximus ævo, Et primus sceptris, haud læta fronte, Latinus. Atque hic legatos Etola ex urbe remissos, Quæ referant, fari jubet, et responsa reposcit Ordine cuncta suo. Tum facta silentia linguis. Et Venulus dicto parens ita farier infit:
"Vidimus, o cives, Diomedem Argivaque castra, Atque iter emensi casus superavimus omnes; Contigimusque manum, qua concidit Ilia tellus. Ille urbem Argyripam, patriæ cognomine gentis, Victor Gargani condebat Iapygis arvis.
Postquam introgressi, et coram data copia fandi: Munera præferimus, nomen patriamque docemus; Qui bellum intulerint, quæ causa attraxerit Arpos. Auditis ille hæc placido sic reddidit ore: 'O fortunatæ gentes, Saturnia regna, Antiqui Ausonii, quæ vos fortuna quietos Sollicitat, suadetque ignota lacessere bella? Quicumque Iliacos ferro violavimus agros,- Mitto ea, quæ muris bellando exhausta sub altis, Quos Simoïs premat ille viros,-infanda per orbem Supplicia et scelerum pœnas expendimus omnes, Vel Priamo miseranda manus; scit triste Minervæ Sidus, et Euboïcæ cautes, ultorque Caphereus. Militia ex illa diversum ad litus adacti, Atrides Protei Menelaus adusque columnas Exsulat; Ætnæos vidit Cyclopas Ulixes. Regna Neoptolemi referam, versosque penates Idomenei ? Libycone habitantes litore Locros? Ipse Mycenæus magnorum ductor Achivum Conjugis infandæ prima intra limina dextra Oppetiit; devictam Asiam subsedit adulter. Invidisse deos, patriis ut redditus aris Conjugium optatum et pulchram Calydona viderem? Nunc etiam horribili visu portenta sequuntur, Et socii amissi petierunt æthera pennis, Fluminibusque vagantur aves, heu dira meorum Supplicia! et scopulos lacrimosis vocibus implent. Hæc adeo ex illo mihi jam speranda fuerunt
Tempore, quum ferro cœlestia corpora demens
Appetii, et Veneris violavi vulnere dextram. Ne vero, ne me ad tales impellite pugnas. Nec mihi cum Teucris ullum post eruta bellum Pergama; nec veterum memini lætorve malorum.
« IndietroContinua » |