Tertia nudandas acceperat area messes,
Inque cavos ierant tertia musta lacus:

370

Pellitur Anna domo, lacrimansque sororia linquit
Monia; germanæ justa dat ante suæ.

Mixta bibunt molles lacrimis unguenta favillæ,

Vertice libatas accipiuntque comas.

Terque Vale! dixit, cineres ter ad ora relatos

375

"Hæc" inquit "tellus quantulacumque tua est."

385

Et tamen hospitii servâsset ad ultima munus !'
Sed timuit magnas Pygmalionis opes.
Signa recensuerat bis sol sua: tertius ibat
Annus, et exilio terra paranda nova est.
Frater adest belloque petit. Rex arma perosus
"Nos sumus imbelles, tu fuge sospes!" ait.
Jussa fugit, ventoque ratem committit et undis.
Asperior quovis æquore frater erat.
Est propè piscosos lapidosi Crathidis amnes
Parvus ager: Cameren incola turba vocat.

Illuc cursus erat, nec longiùs afuit inde,

Quam quantum novies mittere funda potest.
Vela cadunt primo, et dubiâ librantur ab aurâ:
"Findite remigio" navita dixit " aquas!"
Dumque parant torto subducere carbasa lino,
Percutitur rapido puppis adunca Noto,
Inque patens æquor, frustrà pugnante magistro,
Fertur, et ex oculis visa refugit humus.
Adsiliunt fluctus, imoque a gurgite pontus
Vertitur, et canas alveus haurit aquas.

390

395

400

Vincitur ars vento: nec jam moderator habenis
Utitur, aut votis his quoque poscit opem.
Jactatur tumidas exsul Phœnissa per undas,
Humidaque oppositâ lumina veste tegit.

405

Tunc primùm Dido felix est dicta sorori,

Et quæcumque aliquam corpore pressit humum.

410

Figitur ad Laurens ingenti flamine litus

Puppis, et expositis omnibus hausta perit.

Jam pius Æneas regno natâque Latini
Auctus erat, populos miscueratque duos.
Litore dotali solo comitatus Achate
Secretum nudo dum pede carpit iter,
Aspicit errantem, nec credere sustinet Annam

Esse:

Quid in Latios illa veniret agros?

Dum secum Æneas, "Anna est!" exclamat Achates.

415

Ad nomen voltus sustulit illa suos.

420

Quo fugiat? quid agat? quos terræ quærat hiatus?
Ante oculos miseræ fata sororis erant.

Sensit, et adloquitur trepidam Cythereïus heros;

Flet tamen admonitu motus, Elissa, tui.

"Anna, per hanc juro, quam quondam audire solebas

Tellurem fato prosperiore dari,

Perque deos comites, hac nuper sede locatos,

Sæpe meas illos increpuisse moras.

Nec timui de morte tamen: metus afuit iste.

Ei mihi credibili fortior illa fuit.

Ne refer: aspexi non illo pectore digna

Volnera, Tartareas ausus adire domos.

At tu, seu ratio te nostris appulit oris,

Sive deus, regni commoda carpe mei:

430

Multa tibi memores, nîl non debemus Elissæ :
Nomine grata tuo, grata sororis, eris."

435

Talia dicenti

neque enim spes altera restat

Credidit, errores exposuitque suos.

Utque domum intravit Tyrios induta paratus,
Incipit Æneas- - cetera turba silet-

440

"Hanc tibi cur tradam, pia causa, Lavinia conjunx,
Est mihi: consumpsi naufragus hujus opes.
Orta Tyro est, regnum Libycâ possedit in orâ :
Quam precor ut caræ more sororis ames."
Omnia promittit, falsumque Lavinia volnus
Mente premit tacitâ, dissimulatque fremens.
Donaque cum 'videat præter sua lumina ferri
Multa palàm, mitti clam quoque multa putat.
Non habet exactum, quid agat: furialiter odit,
Et parat insidias, et cupit ulta mori.

Nox erat: ante torum visa est adstare sororis
Squalenti Dido sanguinolenta comâ

445

450

Et "Fuge, ne dubita, mæstum, fuge" dicere "tectum." Sub verbum querulas impulit aura fores.

Exsilit, et velox humili super arva fenestrâ

455

Se jacit: audacem fecerat ipse timor.

Quâque metu rapitur, tunicâ velata recinctâ

Currit, ut auditis territa damma lupis.

Corniger hanc cupidis rapuisse Numicius undis
Creditur, et stagnis occuluisse suis.

460

Sidonis intereà magno clamore per agros

Quæritur: apparent signa notæque pedum.

Ventum erat ad ripas: inerant vestigia ripis -
Sustinuit tacitas conscius amnis aquas -

Ipsa loqui visa est "Placidi sum nympha Numicî:
Amne perenne latens Anna Perenna vocor."

465

Murder of Cæsar.

Præteriturus eram gladios in principe fixos,

Cum sic a castis Vesta locuta focis:

"Ne dubita meminisse! meus fuit ille sacerdos :

Sacrilega telis me petiêre manus.

Ipsa virum rapui, simulacraque nuda reliqui:
Quæ cecidit ferro, Cæsaris umbra fuit.”
Ille quidem cælo positus Jovis atria vidit,
Et tenet in magno templa dicata foro.

470

At quicumque nefas ausi, prohibente deorum
Numine, polluerant pontificale caput,
Morte jacent meritâ. Testes estote Philippi,
Et quorum sparsis ossibus albet humus.

Hoc opus, hæc pietas, hæc prima elementa fuerunt
Cæsaris, ulcisci justa per arma patrem.

Bacchus and the Honey-cakes.

Tertia post Idus lux est celeberrima Baccho.

Bacche, fave vati, dum tua festa cano.

475

480

Sithonas et Scythicos longum est narrare triumphos,

Et domitas gentes, turifer Inde, tuas.

Tu quoque Thebanæ mala præda tacebere matris,

485

Inque tuum furiis acte, Lycurge, genu.

Ecce libet subitos pisces Tyrrhenaque monstra
Dicere: sed non est carminis hujus opus.

Carminis hujus opus causas expromere, quare
Vilis anus populos ad sua liba vocet.

490

495

Ante tuos ortus aræ sine honore fuerunt,
Liber, et in gelidis herba reperta focis.
Te memorant Gange totoque oriente subacto
Primitias magno seposuisse Jovi.
Cinnama tu primus captivaque tura dedisti,
Deque triumphato viscera tosta bove.
Nomine ab auctoris ducunt libamina nomen,
Libaque, quod sacris pars datur inde focis.
Liba deo fiunt, succis quia dulcibus idem
Gaudet, et a Baccho mella reperta ferunt.
Ibat arenoso satyris comitatus ab Hebro,-
Non habet ingratos fabula nostra jocos—
Jamque erat ad Rhodopen Pangæaque florida ventum :
Æriferæ comitum concrepuêre manus.

500

Ecce novæ coëunt volucres tinnitibus actæ,

505

Quosque movent sonitus æra, sequuntur apes.

Colligit errantes et in arbore claudit inani

Liber, et inventi præmia mellis habet.

Ut satyri levisque senex tetigêre saporem,
Quærebant flavos per nemus omne favos.
Audit in exesâ stridorem examinis ulmo,
Adspicit et ceras dissimulatque senex:
Utque piger pandi tergo residebat aselli,

Applicat hunc ulmo corticibusque cavis.
Constitit ipse super ramoso stipite nixus,

Atque avidè trunco condita mella petit. Milia crabronum coëunt, et vertice nudo Spicula defigunt, oraque sima notant. Ille cadit præceps, et calce feritur aselli, Inclamatque suos, auxiliumque rogat.

510

515

520

Una dies media est, et fiunt sacra Minervæ,
Nomina quæ junctis quinque diebus habent.
Sanguine prima vacat, nec fas concurrere ferro:
Causa, quod est illâ nata Minerva die.

Altera tresque super rasâ celebrantur arenâ:

Ensibus exsertis bellica læta dea est.

Pallada nunc pueri teneræque orate puellæ :
Qui bene placârit Pallada, doctus erit.
Pallade placatâ lanam mollire puellæ
Discant, et plenas exonerare colos.

Erudit, et rarum pectine denset opus.

Hanc cole, qui læsis maculas de vestibus aufers:
Hanc cole, velleribus quisquis aëna paras.

530

535

540

Nec quisquam invitâ faciet bene vincula plantæ
Pallade, sit Tychio doctior ille licet.