Immagini della pagina
PDF
ePub
[ocr errors][ocr errors][ocr errors][merged small][ocr errors][merged small][ocr errors][ocr errors][ocr errors]

Un' kst mir do vor sc lu Papie
Misst kerne als Juryiozan b

No' sag ich's der "ra'

"So macht's dann die Low;

Was bin ich cr, denerwetteriser Jurymam, T

[ocr errors][merged small][merged small][ocr errors][ocr errors][merged small]
[graphic][merged small]

ICH WAR JURYMANN.

AR Jurymann die Woch in der County Court,
Hab viel gelernt;

Kann denke wo so viel Lawyer sin,—

Sie h'en geernt;

Un' der Judge, un' der Schrieff un' all die
Clerke,

Das alles in grosse Bücher merke,

Ich war recht un' er de Hoche d'rin;

'S hat gewe so Sache,

Mich denk mache :

"Was is des doch e'n donnerwettersi Court!"

War nie an der Court, un' au' ke' Jurymann,
Bin schier zu dumm;

Dann bin ich mal gange die Bosses sehne,
Mich b'frogt do d'rum;

No' kommt mal e' Tag so 'n Un' erschrieffli,
Un' lest mir do vor so 'n Papier oder Brieffli,
Müsst komme als Jurymann thet's me'ne;
No' sag ich's der Fra'

"So macht's dann die Law;

"Was bin ich e'n donnerwetterser Jurymann!”

Uf 'm Court-haus Thurm do steht so 'n Figur des Gericht,

Sie sage sie's blind,

Ke'n Un'erschied seht zwische Arm un' Reich,
U'schuldig wie'n Kind,

Un' ehrlich, un' tugendhaft, gans u'parteiisch,
Wie Portia rechtschaffe, 'ufrichtig un' keusch,

E'n Wog in der Hand, halt alle Leut gleich,
U'n we'st au' warum?

Sie's taub un' sie's dumm,

Just e'n Bild aus Holz-" Was e'n donnerwetters Gericht!"

Dort d'rowe, gans le' 'uf der Kansel sitzt der Judge;
Des is au' e'n Kerl!

Was er net we'ss is net aus zufin'e',

Hat e'n Bauch wie e'n Barl!

Er seht mit e'm A'g was e'n An're net seht

Mit zwe' oder drei, wan's vor ihm steht,

Hat der Kopp so voll Law, er brauch sich net b'sinne;
Do sitzt er so stolz,

Un' steiff wie'n Stück Holz,

Denkt :-" Bin ich now net e'n donnerwetterser Judge!"

Do stratze 'rum Paar Dutzend so hung'riche Lawyer,

Wisse weiters ke' Law!

Sie lauere wie'n Katz 'uf e'n Meisli, für e'n Brocke;
Sie g'mahne mich d'ra'

As wann die Os-vögel sich sammle bei'm Luder,

Mit Kloe' un' Schnawel d'r 'uf nei' geh' 'uf's Futer;
Un' die Leut mit 'ufg'spärte Mäu'ler dort hucke,

Mit Wunner a'gaffe

Die Dinge, wie Affe,

Un' me'ne:

"Was sin des donnerwettersi Lawyer!"

Dann fangt mal a' so 'n dreckige Lumpeg'schicht;

E'n Jury wird g'rufe;

Un' Zeige seht mer komme un' geh'

Die Sache zu prufe;

Die Jury-leut were betracht schier wie'n Gaul,
Von de Lawyer, (doch gucke sie net in's Maul!)
Sin sie 'uf der recht Party? Un' a' für der Quay?
'S kommt viel dort d'r'uf a'
Wie's geht an der Law!

Is net e'n donnerwettersi Lumpeg'schicht!

No' hört mer bal' e'n wetterlich's Gebrüll,

Mer muss schier lache,

Wie der Kerl do in dem Court-haus brummt,
Sei Speechli mache,

As wann alles d'r'uf a'kömmt wie er kreischt,

Un' 'uf der Tisch schlagt mit de' Fäust!

Wann die Wahr'e't' uf's Towe un' Kreische a'kommt
Macht e❜n Vendu-kroyer

E'n bessere Lawyer

Was is des doch e'n donnerwetters Gebrüll!

Dann endlich g'ebt der Judge die G'schicht zu der Jury, Die Sach üwerlege,

Des Ding zubetrachte, un' drüwer b' sinne

'Uf alle Wege;

Die Law un's Zeigniss jetz alles verdreht,

Bis die Jury gar nix vom Case versteht!

Wer die Ämter austhe'lt kann die Sach gut g'winne.
Von so dreckige Bosse,

'Rum g'führt an de Naase,

Was is des doch e'n donnerwettersi Jury!

Sin des awer net gans u'vergleichliche Sache
Was do a'gehne!

Die Law is e'n wun'erbares Netz

Fangt schier lauter so kle'ne,

Un' die grosse Spitzbuwe die geh'n frei,
Sie hewe die Ämter, un' spärre noch ei'
Die kle'nere Verbrecher dem Gesetz,
Un' mache fort stehle,

An'er Leut Geld verthe❜le,

'Sin u'vergleichliche, donnerwettersi Sache! Un's aller schlimmst an all dem ganse Wese, Wann mer drüwer denkt,

Das Leut as üwer's Volk regiere

Mer fühlt sich gekränkt,

Sin selwer, the'l, von de aller schlechste,

'S Gerecht verrichte die U'gerechste,

Un' Dieb un' Verbrecher 's G'setz ausführe,

Mit stehle un' liege,

Falsch schwere, betrüge—

Was is des doch e'n donnerwetters Wese!

« IndietroContinua »