cientibus quibuscumque. Volumus autem, ut earumdem præsentium Litterarum transumtis, seu exemplis etiam impressis, manu alicujus NoItarii publici subscriptis, et sigillo Prælati alicujus in dignitate ecclesiastica constituti obsignatis, eadem prorsus fides habeatur, quæ ipsis præsentibus haberetur, si forent exhibitæ, vel ostensa.

Datum Romæ apud Sanctam Mariam Majo- rem sub annulo Piscatoris die xxIII Decemb. MDCCLVII, Pontificatus Nostri Anno XVIII.

CATHOLICO LECTORI

FR. HYAC. MARIA BONFILIUS

ORDINIS PRÆDICATORUM

SAC. CONGREGATIONIS INDICIS SECRETARIUS.

CUM Indicis Librorum prohibitorum Typis editi an. 1758. Exemplaria fere nulla apud Typographum venalia superessent; cumque Libri alii quamplurimi fuerint deinceps inter prohibitos rejecti, quique triplici appendice publici juris facta recensentur; in prima proscripti post an. 1757 usque ad diem 17 Januarii 1763, in secunda ab ea die ad 26 Martii 1770, in tertia demum a 3 Decembris ejusdem anni ad 14 Maii 1779, aliique insuper nonnulli ab ea die inter proscriptos publicis Decretis fuerint enunciati : jussu SS. D Ñ. PII SEXTI PONTIFIC. MAX. Typis commissus est Index alter, in quo una simul Librorum omnium prohibitorum usque ad an num 1786 series integra recensetur.

Ejus mandatis obtemperaturi nulli pepercimus cure, ut æque accurata ac præcedens, numerisque omnibus absoluta recens hæc prodiret editio, libris omnibus in triplicè supradicta Appendice relatis, aliisque posterius proscriptis in eumdem alphabeticum ordinem redactis, paucis tantum exceptis , quos in addita appendice notavimus, co quod manus prope extrema huic accesserat editioni.

Quandoquidem vero præcedens editio cæteris sane fuit accuratius ordinata, eapropier in redigendis in hunc Indicem universum libris posterius proscriptis, idem a nobis servatus est ordo, eademque habita ratio.

Itaque in iis recensendis majorem rationem habuimus Cognominum, quam Nominum, quod hæc illis minus nota esse videantur. Cognominum tamen loco habuimus etiam Nomina quovis modo simulata. Eos autem libros, quorum Auciores nonnisi litteris initialibus sunt indicati, nos pariter eorum descripto titulo litteris initialibus denotavimus,

Theses, atque Disputationes non Discipulorum, sed Magistrorum, sive præsidentium nomine, quod plerumque earum Auctores esse solent, disposuimus, nisi forte unius tantum nomine fuerint inscripta.

Libros, in quibus post titulum Operis denotatur Auctoris nomen, Lectorum commodo consulentes ita ordine alphabetico enunciavimus, ut quilibet eos perquirere valeat inspecto tum Operis titulo, tum Auctoris nomine.

Librum a duobus Auctoribus conscriptum ejus nomine retulimus qui primus- ordine in eo-reperitur. Eos vero, qui plurium opera fuerunt compositi, ipsis dumtaxat titulis designavimus.

Libros Anonymos alphabetico ordine servato disposui

mus.

Eadem ortographia descriptos Librorum titulos recensuimus, quam eorum adhibuerunt Auctores.

Jam vero cum aliquibus libris, eorum etiam, quos posterius proscriptos in hunc Indicem universum redegimus, additum legatur donec corrigantur, seu donec expurgentur eam correctionem, seu expurgationem a nemine privato judicio fieri posse, sed ad sacram Indicis Congregationem rem totam deferendam esse monemus. Monemus pariter, non eos dumtaxat libros excommunicationis reservatæ pœna esse proscriptos, qui de Religione ex professo agunt, hæresesque docent, quod Literis Apostolicis, et Constitutione Alexandri Vil edita die 5 Marui 1664, quæ incipit Speculatores statuitur; verum eos etiam fere omnes libros hujusmodi pana proscribi, qui post prædictam Alexandri VII Constitutionem Brevibus, aut Bullis Pontificiis prohibiti indicantur, ut ex ipsis Brevibus, ad quæ Lectores remittimus, inselligi potest.

=

Cetera scitu necessaria in sequentibus Regulis, et Deretis Pontificiis animadvertenda Catholico Lectori relin quimus.

REGULÆ INDICIS

SACROSANCTE SYNODI

TRIDENTINE

JUSSU EDITE.

LIbri

REGULA I.

omnes, quos ante annum M. D. XV. aut summi Pontifices, aut Concilia cecumenica damnarunt, et in hoc Indice non sunt, eodem modo damnati esse censeantur, sicut olim damnati fuerunt.

REGULA II.

Hæresiarcharum libri, tam eorum, qui post prædictum annum hæreses invenerunt, vel suscitarunt, quam qui hæreticoram capita, aut duces sunt vel fuerunt, quales sunt Lutherus, Zwinglius, Calvinus, Balthasar Pacimontanus, Schwenckfeldius, et his similes, cujuscumque nominis, tituli, aut argumenti existant omnino prohibentur.

Aliórum autem hæreticorum libri, qui de Religione quidem ex professo tractant, omnino damnantur.

Qui vero de Religione non tractant, a Theologicis Catholicis, jussu Episcoporum, et Inquisitorum examinati, et approbati, permittuntur.

Libri etiam catholice conscripti, tam ab illis, qui postea in hæresim lapsi sunt, quam ab illis, qui post lapsum ad Ecclesiæ gremium rediere, approbati a Facultate Theologica alicujus Universitatis Catholicæ, vel ab Inquisitione generali, permitti poterunt.

REGULA III

Versiones Scriptorum etiam Ecclesiasticorum, que hactenus editæ sunt a damnatis Auctoribus, modo nihil contra sanam doctrinam contineant, permittuntur.

Librorum autem veteris Testamenti versiones viris

tantum doctis, et piis, judicio Episcopi concedi poterunt, modo hujusmodi versionibus, tamquam elucidationibus Vulgatæ editionis, ad intelligendam sacram Scripturam, non autem tanquam sacro textu utantur.

Versiones vero novi Testamenti ab Auctoribus primæ Classis hujus Indicis factæ, nemini concedantur, quia utilitatis parum, periculi vero plurimum lectoribus ex earum lectione manare solet.

Si quæ vero adnotationes cum hujusmodi, quæ permittuntur, versionibus, vel cum Vulgata editione circumferuntur, expunctis locis suspectis a Facultate Theologica alicujus Universitatis Catholicæ, aut Inquisitione generali, permitti eisdem poterunt, quibus et versiones. Quibus conditionibus totum volumen Bibliorum, quod vulgo Biblia Vatabli dicitur, aut partes ejus, concedi viris piis, et doctis poterunt.

Ex Bibliis vero Isidori Clarii Brixiani prologus, et prolegomena præcidantur; ejus vero textum, nemo textum Vulgatæ editionis existimet.

REGULA IV.

Cum experimento manifestum sit, si sacra Biblia vulgari lingua passim sine discrimine permittantur, plus inde, ob hominum temeritatem, detrimenti, quam utilitatis oriri; bac in parte judicio Episcopi, aut Inquisitoris stetur, ut cum. consilio Parochi, vel Confessarii Bibliorum, a Catholicis Auctoribus versorum, lectionem in vulgari lingua eis concedere possint, quòs intellexerint ex hujusmodi lectione non damnum, sed fidei, atque pietatis augmentum capere posse; quam facultatem in scriptis habeant.

Qui autem absque tali facultate ea legere, seu habere præsumpserit, nisi prius Bibliis Ordinario redditis, peccatorum absolutionem percipere non possit.

Bibliopolæ vero, qui predictam facultatem non habenti Biblia idiomate vulgari conscripta vendiderint, vel alio quovis modo concesserint, librorum pretium, in usus pios ab Episcopo convertendum, amittant aliisque pœnis pro delicti qualitate, ejusdem Episcopi arbitrio, subjaceant.

Regulares vero, nonnisi facultare a Prælatis suis habita, ea legere, aut emere possint.

REGULA V.

Libri, qui hæreticorum Auctorum opera interdum pro