Immagini della pagina
PDF
ePub
[merged small][merged small][merged small][merged small][merged small][ocr errors][merged small][merged small][merged small]

(۶۹۹

[ocr errors][merged small]

5sub 291

Recata.

REGIAE LITTERARVM ACADEMIAE

MONAC ENSI

D.D. L M

EDITOR.

Praefatio.

Vergilianorum poematum recensionis quam intra annos 1854/60 eruditorum usui obtuleram exemplaria cum deficerent, redemptor iterari quidem, sed quae sunt studiorum optimorum hac tempestate angustiae, in artius contracta et modestiore pretio parabilia proponi voluit. cui consilio quamvis recoquendi vetera minime cupidus tamen obtemperare malui quam demetendas mercenaria opera segetes meas aliis relinquere.

Rescidi igitur ex varia quam subieceram lectione quidquid ad verba ipsa poetae certa fide constituenda nullius montenti esse intellegerem, planos et vulgares dico librariorum errores, 'tritas orthographici generis quisquilias, quidquid * denique olim in prolegomenon, quae non repetenda erant, horreis ad cognoscendam librorum indolem farraginis congesseram. retinui eas scripturas, quae ad ipsius poetae consuetudinem scribendi pertinere viderentur; pauca semel enotavisse satis habui. sed quoniam in hoc cribrandi opere vel fastidio motus vel aliis curis distractus non ita raro pausas passus sum intercedere, facile inconstantia quadam non tam consilii quam calami fieri potuit, ut intactas hic illic minutias aliquas relinquerem, quas alibi oblitterare non dubitassem. contra spondere audeo, nihil a me omissum esse quod intra fines supra constitutos scitu vere dignum esset. plenam quidem de singulis codicum litteris et versibus sive integris sive mutilatis memoriam hauriat si quis volet. ex vasta prioris editionis congerie. accessit ad ceterorum, quos olim adhibui, codicum auctoritatem Pragensis (ot) a Ioanne Kvicala conlatus, cuius hic illic saltem mentionem feci.

« IndietroContinua »