XC 16867 1874, Jan. 19. Salisoury Stand. 8.94 LONDON: R. CLAY, SONS, AND TAYLOR, PRINTERS, BREAD STREET HILL. THE SEVEN KINGS OF ROME. 1. ÆNEAS, filius Anchise et Veneris, Trojâ captâ domo profugus, primo in Macedoniam venit. Inde in Siciliam quærens sedes delatus est. Ab Sicilia classe ad Laurentem agrum navigavit. Quum Trojani ibi egressi prædam ex agris agerent, Latinus rex Aboriginesque, qui tum ea tenebant loca, ad arcendam vim advenarum armati ex urbe atque agris concurrunt. Prœlio victus Latinus pacem cum Ænea, deinde affinitatem junxit, filiâ ei in matrimonium datâ. Ea res Trojanis spem affirmat tandem stabili certaque sede finiendi erroris. Oppidum condunt. Æneas ab nomine uxoris Lavinium appellat. Brevi filius natus est, cui Ascanium parentes dixere nomen. 2. Bello deinde Aborigines Trojanique simul petiti. Turnus, rex Rutulorum, cui pacta Lavinia ante adventum Æneæ fuerat, prælatum sibi advenam ægre patiens, simul Æneæ Latinoque bellum intulit. Neutra acies læta ex eo certamine abiit. Victi Rutuli; victores Aborigines Trojanique ducem Latinum amisere. Inde Turnus Rutulique ad florentes Etruscorum opes Mezentiumque, eorum regem, confugiunt : qui haud gravatim socia arma Rutulis junxit. Æneas adversus tanti belli B |