B

Ordine pei segnali.

(Lib. di Monteaperti, fol. 62.).

Jacobus Coderinus pop. Sanctæ Felicitatis missus est ad partes Vallis Elsa super statuendis falò hæc ordinamenta: Si gens hostium quantacumque venerit et visa fuerit ultra Elsam, fiat unum falò tantum.

Si vero in pauca quantitate 200 vel circa venerint citra Elsam, fiant duo falò simul, et bis flectantur et releventur. Si vero cum magna gente vel exercitu venerint contra nostros, fiant tria falò simul et terræ flectantur et releventur. Et tunc mictatur ad Podest. Florentiæ festinus nuntius cum equo qui certa nova.... ducat.

Item ista falò diu et magno temporis spatio teneantur, ut undique a nostris videri valeant et discerni et non abscondantur, nisi viderint alios respondere.

Et si de die venirent inimici, fiant fumi secundum modum superius denotatum ».

In Dei nomine et gloriosæ Virginis Mariæ et beati Johan. nis Baptista patroni et defensoris Communis Florentia, et omnium sanctorum et sanctarum Dei. Amen.

Hæc sunt statuta et ordinamenta facta, stabilita et ordinata per dominum Jacopinum Rangonis Dei gratia honorabilem Potestatem Florentiæ,

et Dom. Lapum domini Michaelis
Dom. Gianni Ridolfi

Dom. Ciece Gherardini
Dom. Guernerium Ristori)

Dom. Ranerium Cavalcantis
Dom. Hugonem Spinæ
Dom. Gianni Tornaquinci)
Dom. Bencivenni Griffi

Sextus Ultrarni.

Sextus s. Petri Schradii.

}

Sextus Burgi.

Porta s. Pancratii.

Dom. Odaldum de Tusinghis

Dom. Albertum Ristori Bastiabechi

Porta Domus.

Dom. Teglarium Aldobrandi et Porta s. Petri.

Cambium Falconieri

Capitaneos potentis et victoriosi exercitus, quem Commune Florentiæ in præsenti facere debet adversus inimicos ad confusionem inimicorum suorum, ad honorem et laudem dictæ Potestatis et Communis Florentiæ et domini Philippi Visdomini Capitanei et antianorum Populi Florentini et dictorum capitaneorum exercitus, et ad gloriam, triumphum, honorem, bonum statutum (statum) et laudem totius

militiæ et totius populi Florentini et ad detrimentum, confusionem et mortem omnium inimicorum Communis et populi Florentini.

In primis itaque statuerunt et ordinaverunt quod omnes et singuli tam milites quam pedites Civitatis, Comitatus et Districtus Florentiæ, et omnes alii habitantes in Civitate, Comitatu et Districtu Florentiæ undecumque sint a septua. ginta annis infra et a quindecim annis supra venient et ve nire debeant in præsentem exercitum Florentinum. Exceptentur ab iis qui essent positi ad custodiam captivorum et civitatis et castrorum et terrarum Communis Florentiæ, et qui pro servitio Communis Florentiæ remanerent; et etiam exceptantur illi, qui remanerent de licentia Potestatis et capitaneorum exercitus, et domini capitanei et antianorum populi Florentini. Et quicumque prædictorum tam militum quam peditum et aliorum omnium non fuerit inventus in dicto exercitu, ita quod repræsentatio ibidem appareat facta per publicum instrumentum scriptum manu notarii super hoc ordinati, habeatur ex nunc pro condepnato et etiam condepnatus et solvere debeat Communi Florentiæ, si fuerit miles lib. 50 florinorum parvorum, et si fuerit pedes lib. 25 florin. parvor. Si vero fuerit vexillum deferens militare, libras ducentas florin. parvor. et si fuerit vexillum deferens pedestre, lib. centum florin. parvor. et insuper quilibet talium debitor a debito sit absolutus, et solvere debeat Communi Florentiæ medietatem ipsius debiti; et si forte aliquis debitor talis creditoris aliquod debitum illi creditori solveret, tantumdem solvere debeat Communi Florentiæ. Et insuper a Communi vel ab aliquo officiali Communis Florentiæ de aliqua sua querela ille talis qui non fuerit inventus in castris dicti exercitus non debeat exaudiri nec ei jus servari, nec in aliquo officio Communis in perpetuum aliqua occasione vel modo possit admicti, nec aliquod beneficium a Commune Florentiæ consequi valeat vel habere. Et insuper puniatur plus ad arbitrium Potestatis, et hæc mutari non possint nec revocari aliqua occasione vel modo. Et illi intelligantur milites quibus equi per Commune Florentiæ sunt impositi.

Item quod Potestas habeat arbitrium in exercitu supradicto.

Item miles, qui non fuerit inventus in dicto exercitu quando fuerint milites et pedites requisiti, solvere debeat Communi Florentiæ...... lib. decem florin. parvor. Pedes vero solidos centum et plus vel minus ad arbitrium Potestatis, salvis aliis pœnis superius et inferius denotatis et denotandis. Item si quis vel aliqui remanserint de civitate vel districtu Florentiæ et non fuerint in dicto exercitu quando fuerint requisiti, populus in quo repertus esset.... miles teneatur solvere Communi Florentiæ lib. 50 florin. parvor. et plus ad arbitrium Potestatis, nisi dictum militem accusaverit. Si vero fuerit pedes qui repertus esset, teneatur solvere Com. muni Florentiæ lib. 25 florin. parvor. et plus ad arbitrium Potestatis nisi dictum peditem accusaverit. Insuper domus in qua repertus esset miles, destruatur nisi solverit Communi Florentiæ lib. 25, et domus in qua repertus esset pedes destruatur, nisi solverit Communi Florentiæ lib. decem. Et Cappellani etiam et Rectores populorum tam civitatis quam comitatus Florentiæ teneantur et debeant illum talem militem vel peditem, qui sic remaneret nec inventus esset in exercitu, ut dictum est, accusare et denuntiare. Et si non accusaverit, ut est dictum, teneantur solvere et dare Communi Florentiæ lib. X quilibet talium Cappellanorum et Rectorum, quorum remaneret et esset domi, vel quorum populo sive populis talis miles sive pedes repertus esset, et plus ad arbitrium Potestatis.

Et ut major habeatur notitia de prædictis, qualibet die dominica prima mensis post exercitum dicti tales non facientes exercitum, per ecclesias civitatis et comitatus Florentiæ publice, dum missa canatur, debeant nominari et Potestas ipsos tales in consilio quolibet mense semel debeat legi facere nominatim.

Nec aliqua occasione vel modo, nec etiam ex licentia Potestatis solius nec capitanei populi, nec etiam ex licentia antianorum, nec alicujus alterius personæ possit aliquis ex præ. dictis omnibus vel aliquis eorum excusari vel absolvi, nisi haberet licentiam a Potestate, capitaneo, et antianis et capitaneis exercitus, ita quod de licentia data appareat publicum instrumentum scriptum manu legalis notarii.

Item si aliquis notarius ordinatus pro Commune Florentia in exercitu ad homines scribendum, ipsum officium facere recusaret, vel negligenter exercuerit, puniatur et condepnari debeat in lib. 50 flor. parv. et plus ad arbitrium Potestatis. Et notarius vel alius qui fraudem commiserit in prædictis, puniatur in lib. C. flor. parv. et plus ad arbitrium Potestatis.

Item quicumque ante præsentem exercitum sine licentia Potestatis vendiderit aliquem equum alicui non civi florentino, vel extra districtum Florentiæ miserit, si esset equus de armis condepnetur in lib. 50 flor. parv. et plus ad arbitrium Potestatis, et si non esset equus de armis condepnetur in lib. 25 flor. parv. et plus ad arbitrium Potestatis.

Item quicumque sine licentia Potestatis data per scripturam publicam scriptam manu legalis notarii, vendiderit equum sibi impositum pro Commune Florentiæ solvat et solvere debeat Communi Flor. nomine pœnæ lib. C flor. parvorum et plus ad arbitrium Potestatis.

Item si aliquis gonfalonerius intraverit campum ante ban. deriam sui sextus ad hoc deputatam sine licentia Potestatis vel capitaneorum exercitus, puniatur in lib. 25 vel plus ad arbitrium Potestatis.

Item si aliqua singularis persona intraverit campum sine vexillifero, si fuerit miles puniatur in solidis 50 flor. parv. et plus ad arbitrium Potestatis. Et si fuerit pedes, puniatur in solidis 20 et plus ad arbitrium Potestatis.

Item siquis destenderit padiglionem sive trabaccham vel tendam aut aliud hospitium in exercitu, antequam destendatur padiglione Communis Florentiæ, comburatur ei padiglione seu trabaccha vel tenda: insuper puniatur ad arbitrium Potestatis.

Item si quis miserit ignem in aliquo lovio seu frascato, aut palea vel feno in exercitu existente exercitu in campo, teneatur Potestas ei tollere lib. decem nomine pœnæ et plus ad ipsius Potestatis arbitrium; medietas cujus quantitatis sit accusantis, et alia medietas sit Communis. Et si mictens ignem pauper esset, non solvendo, verberetur et fustigetur nudus per exercitum, et plus puniatur personaliter arbitrio Potestatis.