PRAEMONITUM. Hoc tertium volumen, quo pedestria Luciani scripta finita sunt, duas in partes dividendi consilium abieci, cum quae restant typis exscribenda iustum impletura sint volumen. Continebit enim volumen quartum poetica Luciani scripta, Scholia, indicem rerum et nisi haec iam in nimiam excreverint amplitudinem, indicem verborum. Poetica scripta huic volumini, quod volueram, inserere non potui, cum bibliopolae rationes, ut nunc emitteretur, postularent. |