HISTORIARUM

QUÆ SUPERSUNT,

EX RECENSIONE

ARN. DRAKENBORCHII.

CUM INDICE RERUM.

ACCEDUNT

GENTES ET FAMILIÆ ROMANORUM,

AUCTORE R. STREINNIO.

NECNON

ERNESTI GLOSSARIUM LIVIANUM,

AUCTIUS NONNIHIL, ET IN LOCIS QUAMPLURIMIS

EMENDATUM.

TOMUS III.

OXONII,

E TYPOGRAPHEO CLARENDONIANO.

MDCCCXIII.

Clar. Press

5.C.14,

T. LIVII PATAVINI

HISTORIA RUM

AB URBE CONDITA

LIBRI,

EPITOME LIBRI XXVII.

CN
YN. FULVIUS proconsul cum exercitu ab Hanni.

bale ad Herdoneam cæsus est. Meliore eventu a Claudio Marcello consule adversus eumdem ad Numistronem pugnatum est : inde Hannibal noctu recessit. Marcellus insecutus est, et subinde cedentem pressit, donec confligeret : priore pugna Hannibal superior fuit, Marcellus insequenti. Fabius Maximus pater consul Tarentinos per proditionem recepit. In Hispania ad Bæculam Scipio cum Hasdrubale Hamilcaris conflixit, et vicit : inter alia captum puerum regalem eximia formæ ad avunculum Masinissam cum donis dimisit. Claudius Marcellus, T. Quinctius Crispinus consules, speculandi caussa progressi e castris, insidiis ab Han. nibale circumventi sunt. Marcellus occisus fuit, Crispinus fugit. Res præterea a P. Sulpicio prætore adversus Philippum et, Achæos gestas continet. Lustrum a censoribus conditum est : censa sunt civium capita centum triginta septem millia centum et octo: ex quo VOL. III.

B

numero adparuit, quantum hominum tot præliorum adversa fortuna populo Romano abstulisset. Hasdrubal, qui cum exercitu novo transcenderat Alpes, ut se Hannibali conjungeret, cum millibus hominum quinquaginta sex cæsus est, M. Livii consulis ductu, sed non minore opéra Claudii Neronis consulis : qui, quum Hannibali obpositus esset, relictis castris, ita ut hostem falleret, cum electa manu profectus, Hasdrubalem circumvenit.