aduocatus Regis Hispaniae constitutus est, posuisse uidetur. Mortuus est Londini die XIX Iunii MDCVIII, et in coemiterio ecclesiae Stae Helenae in uico portae episcopi (Bishopsgate Street) iuxta Matthaeum patrem, sepultus est1. Uxorem duxerat Estheram de Peigni, ex qua filios Robertum2 et Matthaeum, filias Estheram et Annam superstites reliquit; quorum proles an hodie exstet nescitur.

In tabulis testamenti fratrem Scipionem, tum temporis in Academia Altdorfiana legum antecessorem, precatus est ut librum manu sua scriptum de Aduocatione Hispanica typis mandaret, ceteros omnes comburendos curaret. Cui uoto obtemperauit Scipio in eo quod Aduocationem Hispanicam publici iuris fecerit. Libros ceteros combustos non fuisse certissimum est, primo quod ex iis commentationem de U. S. edidit Matthaeus filius anno MDCXIV, deinde quod eorum xv uolumina, una cum fratris Scipionis uoluminibus XIV, adhuc in Bibliotheca nostra Bodleiana adseruantur 3.

1 Locus sepulturae ignorabatur, donec archaeologus doctissimus Ioseph Lemuel Chester consultus respondit meminisse se Gentilium nomina in peruoluendis ecclesiae Stae Helenae registris uidisse. Die vii Iulii huius anni, cura Leopoldi Reginae nostrae filii, uiri admodum honorabilis Roberti Phillimore equitis, ceterorumque qui id sibi proposuerant, monumentum in memoriam Alberici Gentilis in hac ecclesia exstructum est: familiae Gentilium et oppidi Sanginesii, necnon Academiarum Perusinae Oxoniensisque insignibus ornatum.

2 Erat I. C. B. et Coll. Omnium Animarum socius.

Hos libros MS. Bibliothecae nostrae uendiderunt, anno MDCCCV, heredes bibliophili illius D'Oruille, Amstelaedamensis. Sunt quidem farrago Iurisprudentiae, in qua tractationes et adnotationes uariae, paginis inter se commixtis, uelut sors dictitabat, in uolumina consutae sunt. Libris diligentius iterum inuestigatis, adfirmare possum in iis contineri: tractationis de Condicionibus quatuor quinque experimenta; tractatus de U. S., de Papatu Antichristo, Hispanicae Aduocationis, de Iudiciis; commentarios in diuersos Digestorum titulos; adnotationes in consilia Alexandri, Romani, Alciati, Decii

II.

Operis De Iure Belli Historia.

Mos erat in Uniuersitate Oxoniensi ut quotannis, die lunae proximo post septimum diem mensis Iulii, maxima laetitia celebrarentur Comitia, siue Actus, in quibus fiebant inceptiones in omnibus facultatibus; id est gradus magistrales et doctorales sollenniter conferebantur. Dies Saturni praecedens 'Uesperiarum' erat. Res in Ecclesia B. Mariae Uirginis agebatur, Theatro Sheldoniano, quod hodie talibus usibus inseruit, nondum exaedificato. Agendi modum e statutis licet colligere1. Die Saturni ante meridiem legebant sollenniter Professores in unaquaque facultate, et post meridiem habebantur ab omnibus incepturis disputationes. Sufficit hic ea quae de Iuristarum disputationibus prouisa erant exponere.

'De incepturis in Iurisprudentia, statutum est, quod pro more (post progressus aliquot a Professore, in Praelectione quam ante meridiem inchoaverat, factos), ad monitionem illius iuris studiosi qui in his Disputationibus moderatoris locum obtinet, a Professore Regio tres questiones proponantur; de quibus incepturi singuli seriatim respondeant, Professore Regio, vel quovis alio Doctore, aut Baccalaureo in Legibus, opponente. Quibus Disputationibus peractis, praedictus moderator singulis incepturis unam vel duas antinomias conciliandas proponet, iisque conciliatis, huiusmodi Disputationibus, brevi aliqua peroratione, finem imponat 2.'

Peractis disputationibus, moris erat ut seniores inceptores in qualibet facultate, Theologiae, Iurisprudentiae et Medicinae,

Incipere

etc.; disputationes Academicas; lectiones. Intersunt hic illic pauca de se uerba, e quibus supra nonnihil retuli. solebat nouum quodque adnotationum uolumen praefixis die, mense et anno, necnon uerbis Iesu iuuante. 2 Ib. § 6.

1 Stat. Uniu. tit. vii, sect. i.

aliis Doctoribus senioribus in suis facultatibus caenam adpararent 1.

Die dominico duae conciones in ecclesia B. Mariae Uirginis habebantur.

Die lunae, qui erat comitiorum, post preces et oblationes sollennes, inchoabantur exercitia comitialia. Omnes in naui ecclesiae B. Mariae Uirginis rite erant dispositi, scilicet a parte orientali sedebat Professor Theologiae, ad dextram eius Professor Medicinae, ad sinistram Professor Iurisprudentiae; adstantibus cuique Professori inceptoribus suis. In Musica incepturi in parte superiori pegmatis, iuxta organa pneumatica, aderant. Artistae, cum Procuratoribus, ad partem occidentalem ecclesiae conglobabantur. Fiebant tum disputationes Artistarum et Magistrorum in Artibus creationes: deinde Actus musicus et Doctorum in Musica creationes: deinde disputationes et creationes in Medicina, in Iurisprudentia et in Sacra Theologia. Sufficit quod ad Iuristas adtinet huc referre.

'Moris est ut Professor Regius in Iurisprudentia, admonentibus Pro'curatoribus, procedat: qui, habita praefatiuncula 3, ad creationem in'ceptorum descendet, videlicet eorum cuilibet tradendo librum, imponendo 'pileum, inserendo digitum annulo, et postremo impertiendo osculum. 'Qua creatione peracta, inceptorum senior tres quaestiones discutiendas 'proponet; de quibus respondens animi sui sententiam exponet. Deinde 'idem inceptor senior in singulis argumentabitur, et argumentum in 'prima confirmabit. Post seniorem, alii seriatim; secundus nimirum in secunda, tertius in tertia, et (si plures fuerint) quartus in prima, et sic 2 Ib. § 12.

6

1 Stat. Tit. vii, sect. i, § 9.

3

Orationes in solenni Iuristarum inceptione tres ad minimum suas publici iuris fecit Albericus, uidelicet :

Legalium Comitiorum Oxon. Actio, Franc. Beuano Docturae dignitatem suscipiente. [anno MDLXXXV] Londini, MDLXXXV[VI].

Laudes Academiae Perusinae in Comitiis Samson. Hussei, Ioh. Buddeni et Oliueri

C

'deinceps, quilibet in quaestione una disputabit. Respondere vero con'suevit qui in Vesperiis Moderatoris locum tenuit; unus nimirum incep'torum illius anni, aut, ipsis procurantibus, studiosus aliquis in iure civili, qui tempus ad gradum Baccalaureatus requisitum compleverit, a congregatione Regentium approbatus'.'

Peractis exercitiis, et Doctoribus in quaque facultate creatis, consueuit Uice-cancellarius comitia sollenni oratione concludere.

Ex huiusmodi disputationibus originem suam duxisse tractatum nostrum pro certo habeo. Causa huius opinionis est epistola nuperrime in archiuis priuatis reperta et ipsius Alberici manu conscripta, in hunc tenorem:—

Commodum (mi Benette 2) accepi litteras tuas: nam Alberici oblitum te, notarium, cancellarium, patremfamilias (et quid non?) suspicari cogebar: itaque binas ad te eodem opinor tempore dedi, quibus refricarem memoriam eius hominis qui visus aliquando est fuisse tibi mutuo carus. Iam video, non opus admonitione fuisse, teque absentem et multiplici negotiorum genere obrutum, certe distentum et impeditum, servare tamen benevolentiam erga me, et retinere memoriam pristinae consuetudinis et familiaritatis. Hoc age, quod agis, nam si mihi impetrabis quod petimus, idque certum, idque mihi, non posteris meis, obventurum, dices amico gratissimo te prospexisse, et curasse bene. Nunc (quando et hoc scire cupis) paramus nos ad Comitia, in quibus creditur scilicet non staturos

Floydi [MDCH] et laudes Academiae Oxon. in comitiis Etzonis Tiardae [MDCII]. Hanouiae, MDCIV. Opusculum hoc mox in lucem denuo proditurum spero, adcurante collega et amico meo doctissimo Comite Cipriani, in Academia Perusina Professore et facultatis Iurisprudentiae Praeside.

1 Stat. Tit. vii, sect. i, §§ 15, 16.

2 Iohannes Benett, ex Aede Christi, gradum suscepit I. C. D. anno MDLXXXIX. Erat Archiepiscopi Eboracensis Uicarius generalis, Reginae Annae Cancellarius, postea eques et Curiae Praerogatiuae Cantuarensis Iudex. Obiit MDCXXVII.

nisi Iamesium1 et Byrdum2 meos; sic ut in me iterum onus totum istius recidat actionis. Rogas si sim ferendo? at enitar, quantum in me est, et spero feram: itaque et invito te auditorem et spectatorem. Veni. Ne time Bertas, et Adamum nubentem iterum, aut Lactarum rursus doctoratum, aut eius generis leguleiorum nugas et meras tricas: habebis enim in Vesperiis tractationem a me de iure belli, audiesque de caussis belli suscipiendi de rationibus gerendi, de iure victorum et devictorum. Audies in controversiam revocari (dum disputabitur) civile ius Romanorum: in bonorum interdictione, in quaestione hominis liberi, in quaerela inofficiosi : sed et si uxor teneatur sequi virum exulantem, si patrem exulem interficiens est parricida, si propter dotem a socero non solutam domo uxor pellitur, mihi cum filiis illis meis controversetur.

An ista leguleiorum tuisque indigna videntur auribus? non videntur : multo igitur minus illa quae in Comitiis, respondente Sando3. Bellum an possit iustum utrinque esse; an in bellis civilibus ius maneat legationum; an subditus principi religionis a sua diuersae militare debeat contra principem religionis suae: id est an papista contra Papam recte regius principi suae militet. Ergo Benette veni, vel ut nos audias, quorum e numero et tu es. Veni et vale.

Oxon. die ult. Iunii 1588.

ALBERICUS]TUUS.

IO. BENETTO,

amico carissimo.

1 Franciscus Iames, Coll. Omn. Anim. socius, ad gradum I. C. D. admissus est Feb., creatus est Iul., MDLXXXVIII. Inter G. Loydi mortem et Alberici inuestituram, huic per literas patentes regiam iuris ciuilis cathedram datam esse ab Ant. Wood relatum est. Hist. Oxon., Gutch, vol. ii, p. 858. Cancellarius erat diocesium Wells et Briston., postea diocesis Londinensis, necnon Curiae Audientiae Cantuarensis Iudex. Obiit MDCXVI.

2 Guil. Bird, Coll. Omn. Anim. socius, creatus est I. C. D. мDLXXXVIII, postea eques, Curiae de Arcubus Decanus, et Curiae Praerogatiuae Cantuarensis Iudex. Obiit MDCXXIV.

3

Respondentis uicem sustinebat procul dubio Eduynus Sandys ille, Coll. C. C. socius, de quo, anno MDLXXXIII, pater eius Archiepiscopus Ebor. Domino Burleigh scripserat: 'Filium Oxon. habeo, ante hos tres annos Artium Magistrum, iam per biennium iuris 'studiosum, et aptum qui anno proximo doctor fieret.' Fertur eum anno MDLXXXIX pro gradu I. C. B. frustra supplicauisse.