LATIN SELECTIONS.

LATIN SELECTIONS.

EARLY LATIN.

1. SONG OF THE ARVAL BROTHERS.

Enos, Lases, iuvate.

Neve lue, rue, Marmar, sins (v. sers) incurrere in pleores.
Satur fu, fere Mars. Limen sali. Sta. Berber.

Semunis alternei advocapit conctos.

Enos, Marmor, iuvato.

Triumpe.

Inscr.

As Interpreted by Mommsen.

Nos, Lares, iuvate.

Ne luem, ruem (=ruinam), Mamers, sinas incurrere in plures. Satur esto, fere Mars.

In limen insili. Sta. Verbera (limen ?).

Semones alterni advocate cunctos.

Nos, Mamers, iuvato.

(Numae.) Vino rogum ne respargito.

Pellex aram Iunonis ne tangito; si tanget, Iunoni crinibus demissis agnum feminam caedito.

Si hominem fulmen Iovis occisit ne supra genua tollito. Homo si fulmine occisus est ei iusta nulla fieri oportet.

Cui suo auspicio classe procincta opima spolia capiuntur darier aeris CCC oporteat et bovem caedito Iovi Feretrio. Cuius auspicio classe procincta secunda spolia capta, in Martis aram in campo solitaurilia, utra voluerit, caedito; qui cepit aeris CC dato. Cuius auspicio classe procincta tertia spolia capta Ianui Quirino agnum marem caedito, C qui ceperit ex aere dato. Dis piaculum dato.

Si qui hominem liberum dolo sciens morti duit paricidas

esto.

Si quisquam aliuta faxit ipsos Iovi sacer esto.

(Servi Tulli.) Si parentem puer verberit ast ole plorassit puer divis parentum sacer esto.

Ap. Fest., s. v. plorare; Plin., H. N., xiv, 14 (12); et al.

3. FRAGMENTS OF THE LAWS OF THE TWELVE TABLES.

I. Si in ius vocat, ito. Ni it, antestamino: igitur em capito. Si calvitur pedemve struit, manum endo iacito. Si morbus aevitasve vitium escit, [qui in ius vocabit] iumentum dato: si nolet, arceram ne sternito.

Adsiduo vindex adsiduus esto, proletario iam civi quis volet vindex esto.

Rem ubi pacunt orato. Ni pacunt, in comitio aut in foro ante meridiem caussam coiciunto. Com peroranto ambo praesentes. Post meridiem praesenti litem addicito.

Si ambo praesentes, sol occasus suprema tempestas esto.

II. Morbus sonticus . . . aut status dies cum hoste: - quid horum fuit vitium iudici arbitrove reove, eo dies diffensus esto. Cui testimonium defuerit, is tertiis diebus ob portum obvagulatum ito.

III. Aeris confessi rebusque iure iudicatis XXX dies iusti sunto. Post deinde manus iniectio esto. In ius ducito. Ni iudicatum facit, aut quis endo eo in iure vindicit, secum ducito. Vincito aut nervo aut compedibus. XV pondo ne minore, aut si volet maiore vincito. Si volet suo vivito. Ni suo vivit, [qui eum vinctum habebit] libras farris endo dies dato: si volet, plus dato.