CAP. 1. T. Quintius Flamininus Bœotos ad societatem cum Romanis asciscere cupiens, cum Attalo multisque legatis Thebas venit. 2. In concilio ibi habito rex concidit, et societas illa jungitnr. 3. Philippus copias suppletas Dium contrahit ibique exercet quotidie. Quintius, ab Elatia profectus, Thermopylas et inde, auxiliis Ætolorum aliorumque populorum contractis, in Phthiotidem transgreditur. 4. Rex milites adhortatur et recen set. 5. Quintius frustra tentat Thebas Phthioticas, et vallos cædere secumque ferre jubet milites, ut paratus omni loco castris sit ponendis. 6. Postero die Pheras, et inde Scotussam movet castra, quo et hostis, velut ex prædicto, contendit. 7. Mox utraque castra, ad Cynoscephalas posita, in conspectu sunt, et jam a paucis lacessitur pugna. 8. Omnes utrimque copiæ in aciem educuntur. 9. 10. Romani vincunt. 11. Quintins Larissam proficiscitur, regique petenti et inducias dat et colloquium, frementibus nequicquam Ætolis, gente avida prædæ et superba. 12. In consilium prius advocat socios, disceptatque cum Ætolis. 13. Tum frequens Romanorum sociorumque coneilium datur regi, et cum eo, omnia priore colloquio postulata concedente, ita convenit, ut datis obsidibus de pacis legibus dictis Romam mittat legatos. 14. 15. Eodem tempore Nicostratus prætor Achæorum justo prælio fudit ducem regium Androsthenem, omnemque Achaiam magno liberavit metu. 16. Acarnanes, qui soli Græcorum fidi Macedonibus manserant, auctore L. Quintio concilium Leucadem indicunt, in quo suadentibus eorum principibus, Archelao, Bianore, et Zenxida, decretum fit societatis Rom, sed mox tollitur. 17. Hinc Leucas a Flaminino legato vi capitur, et Acarnanes mox omnes in deditionem ejus veniunt, certiores facti de fratris victoria. 18. Pausistratus quoque, Rhodiorum prætor, vindicat a Philippo Peræam, fuso Dinocrate, |