RERUM ROMANARUM AB URBE CONDITA LIBRI AD CODICUM MANU SCRIPTORUM FIDEM EMENDATI AB CAR. FRID. SIG. ALSCHEFSKI. VOLUMEN III. LIBROS LIVIANOS XXI. XXII. XXIII, CONTINENS. BEROLINI. SUMPTIBUS FERDINANDI DÜMMLERI. 1846. AB URBE CONDITA 2542 DECAS TERTIA AD CODICUM MANU SCRIPTORUM FIDEM EMENDATA COMMENTARIISQUE INSTRUCTA AB CAR. FRID. SIGISM. ALSCHEFSKI. PARS I. LIBROS I. II. III. CONTINENS. BEROLINI. SUMPTIBUS FERDINANDI DÜMMLERI. 1846. Quod fieri non potuit quin magnum sane optimarum litterarum studiis detrimentum adferret, adversam aliquam fortunam voluisse ut altera Liviani operis decas, cum alias res gravissimas tum primum Punicum bellum complexa, tota periret, id potest videri non eo solum quodam modo compensari, quod, quidquid ex illo Punico bello maioris momenti erat, in Polybianis historiis relatum legitur, sed etiam eo, quod tertia decas, qua Livius secundum bellum a populo Romano cum Carthaginiensibus gestum, et rerum et hominum utriusque populi magnitudine gravitateque multo quam primum uberius, comprehenderat, et omnis servata est et tanta integerrimorum codicum manu scriptorum copia abundat ut nihil desiderandum videatur. nam quamvis, quod de quintae decadis priore parte recte dici poterat, non maximam esse recentium codicum iacturam, quod ille Lorshamiensis, qui unus eos quinque libros complecteretur, ex optimorum et antiquissimorum librorum numero esset, de hac tertia quoque Liviana decade dici posse videretur, tamen negari non potest, non tantum elegantissimas in huius decadis recentioribus codicibus corruptorum locorum emendationes ab doctissimorum hominum studiis profectas inveniri, verum etiam haud paucos locos futuros fuisse qui nisi eorum ipsorum recentium codicum adiumen |