regem in triumpho ductum Polybius, haudquâquam spernendus auctor, tradit. Secutus Scipionem triumphantem est pileo capiti imposito Q. Terentius Culleo: omnique deinde vitâ, ut dignum erat, libertatis auctorem coluit. Africanum cognomen militaris prius favor, an popularis aura, celebraverit, an, sicuti Felicis Sullæ, Magnique Pompeii patrum memoriâ, cœptum ab assentatione familiari sit, parum compertum habeo. Primus certe hic imperator nomine victæ ab se gentis est nobilitatus: exemplo deinde hujus, nequâquam victoriâ pares, insignes imaginum titulos claraque cognomina familiæ fecêre.

TOMI TERTII FINIS.

Excudit S. Hamilton, Londini.