HISTORIARUM AB URBE CONDITA LIBRI III. IV. V. LIVY'S HISTORY OF ROME. (PART II.) BOOKS III. IV. V. WITH NOTES BY HENRY YOUNG. LONDON: JOHN WEALE, 59, HIGH HOLBORN. 1856. 354 2.30. T. LIVII PATAVINI HISTORIARUM AB URBE CONDITA LIBER TERTIUS. EPITOME. SEDITIONES de agrariis legibus factæ. Capitolium ab exsulibus et servis occupatum, cæsis iis receptum est. Census bis actus, priore lustro censa civium capita centum quatuor et viginti millia ducenta quatuordecim, præter orbos orbasque : sequenti, centum triginta duo millia quadringenta novem. Quum adversus Equos res male gesta esset, L. Quintius Cincinnatus dictator factus, quum rure intentus rustico operi esset, ad id bellum gerendum arcessitus est. Is victos hostes sub jugum misit. Tribunorum plebis numerus ampliatus est, ut essent decem, trigesimo sexto anno a primis tribunis plebis. Petitis per legatos, et allatis Atticis legibus, ad constituendas eas proponendasque decemviri pro consulibus sine ullis aliis magistratibus creati, altero et trecentesimo anno, quam Roma condita erat: et ut a regibus ad consules, ita a consulibus ad decemviros translatum imperium. Ii decem tabulis legum positis, quum modeste se in eo honore gessissent, et ob id in alterum quoque annum eumdem esse magistratum placuisse, duabus tabulis ad decem adjectis, quum complura impotenter fecissent, magistratum noluerunt deponere, et in tertium annum retinuerunt: donec invicto eorum imperio finem attulit libido Ap. Claudii. qui quum in amorem virginis incidisset, submisso qui eam in servitutem peteret, necessitatem patri ejus Virginio imposuit, rapto ex taberna proxima cultro, ut filiam interimeret, quum aliter eam tueri non posset, ne in potestatem stuprum illaturi veniret. Hoc tam magnæ luxuriæ exemplo plebs incitata, montem Aventinum occupavit: coegitque decemviros abdicare se magistratu. ex quibus Appius, et unus collegarum, qui præcipue pœnam meruerant, in carcerem conecti; ceteri in exsilium acti. Res præterea contra Sabinos, B |