C. L. F. PANCKOUCKE MEMBRE DE L'ORDRE ROYAL DE LA LÉGION D'HONNEUR ÉDITEUR, RUE DES POITEVINS, N° 14. M DCCC XXXII. T. LIVII PATAVINI HISTORIARUM AB URBE CONDITA LIBER XL. XVII. EODEM anno* inter populum carthaginiensem et regem Masinissam in re præsenti disceptatores Romani de agro fuerunt; ceperat eum ab Carthaginiensibus, pater Masinissæ, Gala: Galam Syphax inde expulerat : postea, in gratiam soceri Asdrubalis, Carthaginiensibus dono dederat. Carthaginienses eo anno Masinissa expulerat. Haud minore certamine animorum, quam quum ferro et acie dimicarunt, res acta apud Romanos. Carthaginienses, quod primo majorum suorum fuisset, deinde ab Syphace ad se pervenisset, repetebant. Masinissa, «< paterni regni agrum se et recepisse, et habere jure gentium, aiebat, et caussa, et possessione superiorem esse; nihil aliud se in ea disceptatione metuere, quam ne pudor Romanorum, dum vereantur, ne quid socio atque amico regi adversus communes suos atque * U. C. 570. A. C. 182. |