ΔΙΟΝΥΣΙΟΥ ΤΟΥ ΑΛΙΚΑΡΝΑΣΕΩΣ ΤΗΣ ΡΩΜΑΙΚΗΣ ΑΡΧΑΙΟΛΟΓΙΑΣ ΤΑ ΣΩΖΟΜΕΝΑ. DIONYSII HALICARNASSENSIS ROMANARUM ANTIQUITATUM PRÆFATIO. Quodsi nova hæc Antiquitatum Romanarum editio, quæ ante multos abhinc annos inchoata est, nunc demum in lucem prodit, sortis quædam iniquitas accusanda est, quæ ita tulit, ut Adolpho Kiessling novæ recensionis cura committeretur. Is enim, postquam partem suscepti muneris peregerat, plagulas ad corrigendum ei transmissas penes se detinuit, ac quamvis complures per annos iterum iterumque moneretur ut staret pactis, in obstinato perseveravit silentio, nec quidquam præstitit quo fidem suam liberaret. Quæ quidem agendi ratio qualis æstimanda sit, vix est, opinor, cur disertius eloquar. Itaque, misso tandem Kiesslingio, Victor Prou, vir doctissimus, adjuvante consiliis et doctrinæ copiis quem omnes novimus Eggero, continuandi operis negotium suscepit et susceptum ad finem feliciter perduxit. At peracto vix labore, tum Eggerum tum Victorem Prou, quem hac præfatione operæ suæ rationes redditurum fuisse speraveram, fatalis naturæ humanæ necessitas studiis et amicis. eripuit. Sic sua fata habent libelli. Parisiis, mense Januario M. DCCC LXXXVI. 416350 A. FIRMIN DIDOT. |