num ita auspicatus est anno U. C. DCCCVII, ut inter optimos principes haberi potuerit; ita gessit postea› ut inter nequissimos ac sceleratissimos semper sit annumerandus. Princeps nefandi ingenii, omnium immanitatum, omnium turpitudinum capax, et principatus libidine omnium reus. Illum, funeratis Caesaribus, tamquam pestem, incensa Roma exhorruit. Christiana religio, quod primum eum hostem habuerit, gloriatur. Hominibus sibique invisus, et atroci senatus consulto capite damnatus, ipse, scelerum suorum vindex, carnificis partes in se explevit anno U. C. DCCCXXI. In eo defecit Caesarum progenies tot virtutibus olim illustrata, omnigenis recentiorum Caesarum vitiis infamata. Plutarch. in Anton. pag. 955. Sueton. in Nerone vi. Tacit. Annal. XII, 25. Plin. xx11, 22. Sect. 46. Dio LXIII pag. 727.

In nummis ante principatum appellatur NERO CLAVD. CAES. DRYSVS GERM. PRINC. IVVENT. COS. DESIG. SACER. COOP. IN OMN. CONL. SVPRA NVM. Ex sc. id est, Nero Claudius Caesar Drusus Germanicus, princeps juventutis, consul designatus, sacerdos cooptatus in omnia collegia supra numerum, ex senatus consulto.

In principatu, NERO CLAUD. DIVI CLAVD. F. CAESAR AVG. GERM. PONT. MAX. IMP. TR. P. P. P. id est, Nero Claudius, divi Claudii filius, Caesar, Augustus, Germanicus, pontifex maximus, imperator, tribunicia potestate, pater patriae.

36. OCTAVIA, Claudii imperatoris et Messalinae filia, Britannici soror, nata anno U. C. DCCXcv. primum L. Silano desponsa, sed Neroni nupta anno U.

C. DCCCVI. Femina incorrupta probitate, aliis temporibus, alio marito digna. Illam Nero repudiavit, repudiatam revocavit, ac tandem in insulam Pandatariam claudi et interimi jussit anno U. C. DCCCXV. Tacit. Annal. x11, 3 et 25. XIV, 60 et 64. Dio LXII. pag. 708.

In nummis OCTAVIA Ave. id est, Octavia Augusta.

37. POPPAEA SABINA, T. Ollii et Poppaeae Sabinae filia; primum Rufio Crispino, deinde M. Salvio Othoni, postea imperatori, demum Neroni nupta anno U. C. DCCCXV. Eam, summe dilectam, nec vitiis absimilem, ferox Princeps calcis ietu occidit anno U. C. Dcccxvin; et pro rostris laudavit. Corpus ejus non fuit crematum, pro Romanorum more; sed odoribus differtum et Juliorum tumulo conditum. Testatur Plinius Arabiam felicem non ferre tantum thuris annuo fetu, quantum Nero novissimo Poppaeae suae die concremaverit. Triennio post templum posuit SABINAE DEAE VENERI. Tacit. Annal. XIII, 45. XVI, 6. Sueton. in Nerone xxxv. Dio LXIII. pag. 726.

In nummis POPPAEA AVG. id est, Poppaea Augusta. DIVA POPPAEA.

38. CLAUDIA Augusta, Poppaeae et Neronis filia, nata Antii anno U. C. Dcccxvi, et statim appellata Augusta. Quartum intra mensem defuncta est, Nerone, ut laetitiae in partu, sic in morte moeroris immodico. Tacit. Annal. xv, 23. Sueton. in Ner. xxxv.

In nummis Diva Clavdia NER. F. id est, Diva Claudia Neronis filia.

39. STATILIA MESSALINA, T. Statilii Tauri abneptis, tertia Neronis uxor; qua ut potiretur, virum ejus Atticum Vestinum consulem trucidavit anno U. C. DCCCXVIII. Sueton. in Nerone xxxv. Tacit. Annal. IV, 68.

40. DOMITIA, Antoniae majoris et L. Domitii Ahenobarbi filia, Neronis amita, Passieni Crispi uxor, quam Nero veneno interemit anno U. C. DCCCXII. Quinctilian. Institut. Orat. vI, I. Tacit. Annal. XIII, 19 et 21. Dio LXI. p. 697.

PASSIENUS CRISPUS, maritus primo Domitiae, deinde Agrippinae Germanici filiae. De illo infra

num. 94.

DOMITIA LEPIDA, Antoniae majoris et L. Domitii Ahenobarbi filia, primo M. Valerii Messalae Barbati, secundo C. Appii Junii Silani uxor. De illa jam dictum supra num. 25.

MARCUS VALERIUS MESSALA BARBATUS, Messalae Barbati et Marcellae majoris filius primus, Domitiae Lepidae maritus; de quo diximus supra num. 24.

41. CAIUS APPIUS JUNIUS SILANUS, Hispaniae praefectus, quem Claudius Domitiae Lepidae, Messalinae matri, collocavit, ac paulo post interfecit anno U. C. DCCXCV. Dio LX. pag. 674.

42. ANTONIA minor, Octaviae sororis Augusti et M. Antonii triumviri filia, Neronis Drusi conjux, mater Germanici. Femina forma et castitate excellens. VOL. III.

B

Post mariti obitum in viduitate consenuit, laudibus virilem familiae suae claritatem supergressa. Inter parva naturae insignia, Antoniam numquam exspuisse observat Plinius vII, 19. Sueton. in Caio 1. Tacit. Annal. III, 3. XI, 3. Plutarch. in Antonio pag. 955. Valer. Maxim. iv, 3. num. 3.

In nummis ANTONIA AVGVSTA.

NERO CLAUDius Drusus, Antoniae minoris maritus, pater Germanici, utroque dignus: de illo infra num. 79.

43. CAIUS OCTAVIUS CAESAR AUGUSTUS, IMPERATOR, Atiae et C. Octavii filius, natus nono Kalendas Octobris, anno U. C. DCXCI, Romani imperii conditor. Bella civilia anno aetatis nono decimo suscepit: ita gessit, ut triennio post nullus ex dictatoris Caesaris, adoptivi patris, interfectoribus superstes fuerit. Sextum Pompeium navali proelio apud Siciliam oppressit; M. Lepidum, triumvirum, imperio exutum, in ordinem redegit; M. Antonium ad Actium superavit; ac tandem unus Julianarum etiam partium dux reliquus, cuncta, discordiis civilibus fessa, nomine Principis sub imperium accepit. Tunc pacis studiosus, doctorum hominum cultor, egregiarum artium instinctor munificus, omnium animos per annos ferme quadraginta quatuor sibi adeo devinxit, ut AUGUSTUS, PATER PATRIAE appellaretur. Scythae et Sarmatae, Garainantes ac Bactri, Seres et Indi, orando foederi legatos miserunt: Roma et celeberrimae provinciarum urbes, tanquam deo, templa, sacerdotes et collegia vivo mortuove consecrarunt. Obiit decimo quarto Kal. Septembris,

anno U. C. DCCLXVII. Vir, si diligenter aestimentur cuncta, fama quam virtutibus celebratior; numquam principatum adepturus, nisi pessimi fuissent Lepidus et Antonius, maximus dictator Caesar, optimus Vipsanius Agrippa. Laudandus tamen quod imperium, aliena virtute partum, arte plurima sustinuerit, et Romam, quam lateritiam acceperat, marmoream reliquerit. In ipsa sua felicitate ita varius, ut inter omnes sortis humanae casus semper colluctatus, nemo magis ex omnibus mortalibus hominem esse se, dum inter homines erat, senserit. Sueton. in Aug. v et C. Tacit. Annal. I, 1. xiii, 6. Florus IV, 12. Aurel. Victor de Caesaribus, cap. 1. Plin. VII, 45. Senec. consol. ad Polyb. xxxiv.

In nummis ante principatum appellatur C. CAE

SAR DIVI F. IMP. IIIVIR. RPC. COS. LIBERTATIS P. R.

VINDEX. id est, Caius Caesar, divi filius, imperator, triumvir reipublicae constituendae, consul, libertatis populi Romani vindex.

In principatu CAESAR AVG. AVGVSTVS. DIVI F. IMP. COS. PONT. MAX. TR. POT. PATER PATRIAE. id est, Caesar Augustus. Augustus, divi filius, imperator, consul, pontifex maximus, tribunicia potestate, pater patriae.

Post mortem DIVVS AVGVSTVS. DEO AVGVSTO.

44. CLODIA, Publii Clodii et Fulviae filia, M. Antonii triumviri privigna, quam firmandae pacis causa, Augustus duxit uxorem, vix dum nubilem. At, siinultate cum Fulvia socru exorta, dimisit intactam adhuc et virginem. Sueton. in Aug. LXII.

45. SCRIBONIA, Lucii Scribonii Libonis soror, uxor Augusti antea duobus consularibus nupta, quorum