ex altero, Scipione dicto, Corneliam filiam habuerat. Augustus Scriboniam dimisit anno U. C. DCCXV. sive, ut ipse scripsit, morum ejus perversitatem pertaesus, sive potius, quod illa nimiam pellicis Liviae potentiam liberius doleret. Sueton. in Aug. LXIII et LXIX. DIO XLVIII. pag. 366 et 377. Eleg. 11.

Propert. IV.

46. JULIA, Augusto et Scribonia anno U. C. DCCXV genita, primo Marcelli, secundo Agrippae, tertio Tiberii uxor. Femina, turpitudinis avida, quaeque magnitudinem fortunae suae peccandi licentia metiebatur. Illam ob adulteria et consilia parricidae palam facta, in insulam Pandatariam Augustus ablegavit circa annum U. C. DCCLII. Omnis spei egenam inopia ac tabe longa peremit Tiberius, exeunte anno U. C. DCCLXVII. Plin. v11, 45, Dio LV. pag. 555. Tacit. Annal. 1, 53. Vell. Patercul. II, 100.

In nummis ΙΟΥΛΙΑ. ΙΟΥΛΙΑ ΑΦΡΟΔΙΤΗ. id est, Julia. Julia Venus.

MARCUS MARCELLUS, Octaviae et Claudii Marcelli filius, maritus Juliae Augusti filiae. De hoc optimo juvene dictum est supra num. 18.

47. MARCUS VIPSANIUS AGRIPPA, ignobilis loco, et rusticitati propior, quam deliciis, sed optimus militia, et amicus integerrimus. Terra marique victor, Augusti imperium firmavit. In illa sua torvitate, literarum et artium studiosus, orbem terrarum diligentissime descripsit, et orbi spectandum in tabula geographica proposuit: praecipuam auctoritatem

tabulis ac statuis publice fecit; easque omnes publicandas, nec in villarum exsilia pellendas magnifice scripsit. Non Urbem tantum, sed Italiam admirandis, tum ad ornamentum, tum ad utilitatem operibus locupletavit. Augustus, ne beneficiorum immemor videretur, geminatis consulatibus illum extulit, tribuniciae ac censoriae suae potestatis participem fecit; et, defuncto Marcello, generum sumpsit anno U. C. DCCXXXIII; maximis honoribus majorem semper expertus. Novitate sua tam multis rebus nobilitata, obiit Agrippa anno U. C. DCCXLII. aetatis suae quinquagesimo primo. Augustum virtutum suarum olim aemulum, tunc laudatorem habuit; merito dictus CIVIUM MAXIMUS. Tacit. Annal. 3. Plin. 111, 2. vii, 8. xxxv, 4. Sect. 9. Dio LIV. pag. 525, 541 et seq. Vell. Patercul. II, 96.

In nummis appellatur M. AGRIPPA L. F. COS. DES. COS. TER. PRAEF. ORAE. MARIT. ET CLASS. id est, Marcus Agrippa Lucii filius consul designatus, consul tertium, praefectus orae maritimae et classis.

48. CAIUS CAESAR, Agrippae et Juliae filius, natus anno U. C. DCCxxxiv. Ab Augusto adoptatus, princeps juventutis, consul; at fato brevis, nec tamen inglorius, in Lycia obiit nono Kal. Martias, anno U. C. DCCLVII, cum ex Armenia remearet. Tacit. Annal. I, 3. Dio LIV. pag. 526. Noris Cenotaphia Pisana Dissert. 11, 17. pag. 347 et seqq.

In nummis C. CAESAR AVGVSTI F. AVGVR. PONT. COS. DES. cos. id est, Caius Caesar, Augusti filius, augur, pontifex, consul designatus, consul.

LIVIA, Soror Germanici, Caii Caesaris uxor. Tacit. Annal. iv, 40. De illa infra num. 71.

49. LUCIUS CAESAR, Agrippae et Juliae filius, Caii Caesaris frater, natus anno U. C. DCCXXXVII. Augustus illum in Caesarum domum induxit, principem juventutis appellavit, consulem destinavit. Massiliae occubuit mense Augusto anni U. C. DĊCLV, cum ad Hispanienses exercitus proficisceretur. Tacit. Annal. 1, 3. Noris Cenotaphia Pisana Dissert. II, 15. pag. 265 et seqq.

In nummis L. Avg. F. PRINC. IVVENT. id est, Lucius Augusti filius, princeps juventutis.

In amborum fratrum nummis, C. ET L. CAESARES AVG. F. COS. D. PRIN. IVVEN. id est, Caius et Lucius Caesares, Augusti filii, consules designati, principes juventutis.

50. MARCUS AGRIPPA CAESAR POSTUMUS, Agrippae et Juliae filius, Caii et Lucii Caesarum frater, post patris mortem genitus anno U. C. DCCXLII. Illum adoptavit Augustus quinto Kalendas Julias anni DCCLVII. sed rudem bonarum artium, et robore corporis stolide ferocem, postea abdicavit, et in insulam Planasiam ablegavit. Nullius tamen flagitii compertum, post ablegationem desideravit. Ejus caede imperium auspicatus est Tiberius anno U. C. DCCLXVII. Dio LIV. pag. 542. Vell. Patercul. 11, 104. Tacit. Annal. 1, 3 et 6. Plin. vII, 45. In nummis AGRIPPA CAESAR.

51. Agrippina, Agrippae et Juliae filia, Germaniei uxor. Femina ingens animi, impenetrabilis pu

dicitiae sed superbior et aequior quam ut artes Liviae ferret. Ipsa sua virtute infelix, occubuit in insula Pandataria quinto decimo Kalendas Novembris anno D. C. DCCLXXXVI. Tacit. Annal. iv, 12. vi. 25. XIV, 63.

In nummis, imperante filio suo Caio Caligula, cusis appellatur AGRIPPINA AVGVSTA. AGRIPPINA M. F. MAT. C. CAES. Avg. Germ. OEA AгPINA. id est, Agrippina, Marci filia, mater Caii Caesaris Augusti Germanici. Diva Agrippina.

GERMANICUS, Neronis Drusi et Antoniae minoris filius, Agrippinae maritus. De hoc optimo Caesare dicetur infra num. 81.

52. JULIA, Agrippae et Juliae filia, L. Aemilii Pauli uxor, matris suae libidinum aemula. Augustus convictam adulterii in insulam Trimetum projecit anno U. C. DCCLXI. Illic obiit anno U. C. DCCLXXXI. Tacit. Annal. iv, 71.

53. LUCIUS AEMILIUS PAULUS, Pauli Aemilii Lepidi, censoris anno U. C. DCCXXXII, et Corneliae filius, Juliae, Agrippa et Julia genitae, maritus. Sueton. in Aug. LXIV. Dio LIV. pag. 521.

54. MARCUS AEMILIUS LEPIDUS, Lucii Aemilii et Juliae filius, Drusillae maritus, sororum ejus stuprator, libidinum societate Caio Caligulae diu acceptissimus, et successioni destinatus. Majestatis reus interemptus est anno U. C. DCCXCII. Caius, quasi superatis hostibus, donativum militibus dis tribuit, et tres gladios, in necem suam praepara

tos, Marti Ultori consecravit. Dio LIX. pag. 648 et 657. Sueton. in Caio XXIV et xxxvI. Tacit. Annal. XIV, 2.

55. AEMILIA LEPIDA, Lucii Aemilii et Juliae filia, Augusti proneptis. Claudio admodum adolescenti, et postea imperatori desponsata, deinde Junii Silani uxor. Sueton. in Cland. XXVI. Plin. vii, 13.

56. JUNIUS SILANUS, Aemiliae Lepidae maritus. Forte ille ipse Marcus Junius Silanus, qui consulatum gessit cum L. Norbano Flacco anno U. Č. DCCLXXII. Tacit. annal. 11, 59.

57. MARCUS JUNIUS SILANUs, Junii Silani et Aemiliae Lepidae filius, quem divus Augustus neptis suae nepotem vidit genitum quo excessit anno U. C. DCCLXVII. Plin. VII, 13. Homo minime malus, quem Caius Caligula pecudem auream appellare erat solitus. Illum tamen, Asiae proconsulem, Nero veneno interemit anno U. C. DCCCVII. Tacit. Annal. XIII, 1.

58. N. uxor M. Junii Silani, mater Lucii Silani Torquati. Nusquam nomen ejus appellatur.

59. LUCIUS SILANUS TORQUATUS, M. Junii Silani filius, atnepos Augusti, ejusque stirpis ultimus: ob claritudinem generis et modestam juventam, nullo crimine, a Nerone interfectus anno U. C. DCCCXVIII. Tacit. Annal. xvI, 7, 8 et 9.

60. LUCIUS JUNIUS SILANUS, Junii Silani et Aemiliae Lepidae filius, Augusti abnepos. Claudius filiam