C. SALLUSTI CRISPI OPERA QUAE SUPERSUNT. AD FIDEM CODICUM MANU SCRIPTORUM RECENSUIT, CUM SELECTIS CORȚII NOTIS SUISQUE COMMENTARIIS EDIDIT ET INDICEM ACCURATUM ADIECIT FRIDERICUS KRITZIUS, PHILOSOPHIAE DOCTOR, IN REGIO GYMNASIO ERFURTENSI SUPERIORUM ORDINUM PRAECEPTOR, BIBLIOTHECAE REGIAE PRAEFECTUS, SOCIETATIS LATINAE IENENSIS SODALIS. VOL. II, IUGURTHAM CONTINENS. LIPSIA E, SUMPTIBUS AUG. LEHNHOLDI MDCCCXXXIV. VIRO MAXIME VENERANDO 10. FRID. MOELLERO, REGI BORUSSIARUM A CONSILIIS CONSISTORII, MINISTERII SACERDOTUM EVANGELICORUM, QUOD ERFURTI EST, PRAESIDI, SACRORUM AD AEDEM MINORITARUM ANTISTITI, ACADEMIAE SCIENTIARUM ERFURTENSIS SOCIO, HANC IUGURTHAE SALLUSTIANI EDITIONEM PUBLICUM PIETATIS ET AMICITIAE MONUMENTUM EXSTARE VOLUIT FRIDERICUS KRITZIUS. TA. PRAEFATIO. t Pauca sunt, quae in hoc altero operum Sallustianorum volumine evulgando dicenda habeo. In universum enim eandem rationem secutus sum, quam in Catilina et emendando et explicando inii. Quae quum viris doctissimis, qui illius libri censuram egerunt, Iacobo, Ellendtio, Max. Schmidtio, Obbario, aliis, quorum nomina cognoscere non potui, non prorsus improbaretur, id maxime mihi agendum putavi, ut quantum possem vitatis, quae recte vituperata vidissem, talem in Iugurtha illustrando operam ponerem, quae tum illis viris, doctrina et humanitate insignibus, tum omnibus, quorum auctoritas plurimum apud me valet, non omni ex parte displiceret. |