HISTORIARUM LIBRI, QUI SUPERSUNT OMNES ET DEPERDITORUM FRAGMEΝΤΑ. EX RECENSIONE ARN. DRAKENBORCHII AD CODICUM BAMBERGENSIS ET VINDOBONENSIS FIDEM PASSIM REFICTA A IOANNE THEOPHILO KREYSSIG. ΑΝΝΟΤΑΤΙIONES CREVIERII, STROTHII, RUPERTI, ANIMADVERSIONES NIEBUHRII, WACHSMUTHII, T. LIVII PATAVINI HISTORIARUM AB URBE CONDITA LIBRI. ΕΡΙΤΟΜΕ LIBRI XXI. IN Italiam belli Punici secundi ortus narratur, et Hannibalis Poenorum ducis contra foedus per Iberum amnem transitus, a quo Saguntum, sociorum populi Romani civitas, obsessa octavo mense capta est. De quibus iniuriis missi legati ad Carthaginienses, qui quererentur. Quum satisfacere nollent, bellum üs indictum est. Hannibal, superato Pyrenaeo saltu, per Gallias, fusis Volscis, qui obsistere conati erant, ad Alpes venit; et laborioso per eas transitu, quum montanos quoque Gallos obvios aliquot proeliis repulisset, descendit in Italiam, et ad Ticinum amnem Romanos equestri proelio fudit: in quo vulneratum P. Cornelium Scipionem protexit filius, qui Africani postea nomen accepit. Iterumque exercitu Romano ad flumen Trebiam fuso, Hannibal Apenninum quoque, per magnam militum vexationem propter vim tempestatum, transüt. Cn. Cornelius Scipio in Hispania contra Poenos prospere pugnavit, duce hostium Magone capto. VOL. II. B |