300 lumina nec divae corrupit munera lingua; : dignus amor venia; gratum, si Tartara nossent, peccatum meminisse gravest. vos saecla piorum, vos manet heroum contra manus. hic et uterque Aeacides: Peleus namque et Telamonia virtus per secura patris laetantur numina, quorum conubis Venus et Virtus iniunxit honorem : hunc rapit Hesiona, ast illum Nereis amavit. adsidet huic iuvenis, sociatae gloria sortis, acer inaccessum, referens a navibus ignes Argolicis Phrygios torva feritate repulsos. o quis non referat talis divortia belli, quae Troiae videre viri videreque Grai? Teucria cum magno manaret sanguine tellus et Simois Xanthique liquor, Sigeaque propter litora, cum Troas saevi ducis Hectoris ira truderet in classes inimica mente Pelasgas, 310 vulnera, tela, neces, ignes inferre paratos. ipsa sudis namque Ida parens feritatis et ipsa Ida faces altrix cupidis praebebat alumnis, omnis ut in cineres Rhoetei litoris ora classibus ambustis flamma lacrimante daretur. hinc erat oppositus contra Telamonius heros obiectoque dabat clipeo certamina, et illinc Hector erat, Troiae summum decus, acer uterque, (fulminibus veluti fragor est e turbine nisis) hic manibus telisque super...... 320 eriperet reditus, alter Vulcania ferro vulnera protectus depellere navibus instat. hoc erat Aeacidae vultus laetatus honore, Dardaniaeque alter fuso quod sanguine campis Hectoreo victor lustravit corpore Troiam. farma dolis Ithaci virtus quod concidit icta. huic gerit aversos proles Laertia vultus, et iam Strymonii Rhesi victorque Dolonis, Palladio laetatur ovans, rursusque tremescit 330 iam Ciconas iamque horret atrox Laestrygone limen. illum Scylla rapax canibus succincta Molossis Aetnaeusque Cyclops, illum Zanclaea Charybdis pallentesque lacus et squalida Tartara terrent. hic et Tantaleae generamen prolis Atrides adsidet, Argivum lumen, quo flamma regente Doris Erichthonias prostravit funditus arces. reddidit, heu, Graius poenas tibi, Troia, ruenti, Hellespontiacis obiturus reddidit undis. illa vices hominum testata est copia quondam, 340 ne quisquam propriae fortunae munere dives iret inevectus caelum super: omne propinquo frangitur invidiae telo decus. ibat in altum vis Argea petens patriam ditataque praeda arcis Erichthoniae; comes huic erat aura secunda per placidum cursu pelagus; Nereis ab unda signa dabat, sparsim flexis super icta carinis : cum seu caelesti fato seu sideris ortu undique mutatur caeli nitor, omnia ventis, omnia turbinibus sunt anxia. iam maris unda 350 sideribus certat consurgere, iamque superne corripere et solis et sidera cuncta minatur ac ruere in terras caeli fragor. hic modo laetans copia nunc miseris circumdatur anxia fatis, inmoriturque super fluctus et saxa Capherei, Euboicas aut per cautes Aegaeaque late litora, cum Phrygiae passim vaga praeda perempta omnis in aequoreo fluitat iam naufraga fluctu. hic alii resident pariles virtutis honore heroes +mediisque siti sunt sedibus omnes, 360 omnes Roma decus magni quos suspicit orbis. hic Fabii Deciique, hic est et Horatia virtus, hic et fama vetus numquam moritura Metelli, Curtius et, mediis quem quondam sedibus urbis devotum †bellis consumpsit gurges in unda, Mucius et prudens ardorem corpore passus, cessit cui Lydi timefacta potentia regis; hic Curius clarae socius virtutis et ille +Flaminius devota dedit qui corpora flammae, Scipiadaeque duces, quorum devota triumphis 370 moenia sub lappis Libycae Carthaginis horrent. iure igitur tali sedes pietatis honorest. illi laude sua vigeant; ego Ditis opacos cogor adire lacus, vacuos a lumine Phoebi, et vastum Phlegethonta pati, quo, maxime Minos, conscelerata pia discernis saecula sede. ergo iam causam mortis, iam dicere vitae verberibus saevae cogunt sub iudice Poenae, cum mihi tu sis causa mali, nec conscius adsis, sed tolerabilius cures. haec inmemor audis? 380 ut tamen audieris, dimittes omnia ventis, et mea diffusas rapientur dicta per auras. digredior numquam rediturus. tu cole fontem et virides nemorum silvas et pascua laetus.' dixit et extrema tristis cum voce recessit. Hunc ubi sollicitum dimisit inertia vitae, interius graviter regementem, nec tulit ultra sensibus infusum culicis de morte dolorem, quantumcumque sibi vires tribuere seniles (quis tamen infestum pugnans devicerat hostem), 390 rivum propter aquae viridi sub fronde latentem conformare locum capit inpiger. hunc et in orbem destinat ac ferri capulum repetivit in usum, gramineam viridi ut foderet de caespite terram. iam memor inceptum peragens sibi cura laborem congestum cumulavit opus, atque aggere multo telluris tumulus formatum crevit in orbem ; quem circum lapidem levi de marmore adornans conserit, adsiduae curae memor. hic et acanthos et rosa purpureum crescens pudibunda per orbem 4co et violae omne genus, hic est et Parthica myrtus atque hyacinthus et hic Cilici crocus editus arvo, laurus item Phoebi surgens decus, hic rhododaphne liliaque et roris non avia cura marini, herbaque turis opes priscis imitata Sabina, chrysanthusque hederaeque nitor pallente corymbo, et bocchus Libyae regis memor, hic amaranthus bumastusque virens et semper florida tinus: non illinc narcissus abest, cui gloria formae igne Cupidineo proprios exarsit in artus ; 410 et quoscumque novant vernantia tempora flores, his tumulus super inseritur. tum fronte locatur. elogium, tacita format quod littera voce : 6 parve culex, pecudum custos tibi tale merenti funeris officium vitae pro munere reddit.' CIRIS ETSI me, vario iactatum laudis amore irritaque expertum fallacis praemia vulgi, Cecropius suaves expirans hortulus auras florentis viridi sophiae complectitur umbra, dum mea avens ratio dignum sibi quaerere car men longe aliud studium atque alios accincta labores altius ad magni suspexit sidera mundi et placitum paucis ausa est ascendere collem: non tamen absistam coeptum detexere munus, 10 in quo iure meas utinam requiescere musas et leviter blandum liceat deponere amorem. tquod si mirificum sophiae genus omne secutum (mirificum sed enim, modo sit tibi velle libido) si me iam summa sapientia pangeret arce, quattuor antiquis heredibus edita consors, unde hominum errores longe lateque per orbem despicere atque humiles possem contemnere curas; non ego te talem venerarer munere tali, non equidem, quamvis interdum ludere nobis 20 et gracilem molli libeat pede claudere versum ; sed magno intexens, si fas est dicere, peplo, qualiter Actaeis olim portatur Athenis, debita cum castae solvuntur vota Minervae tardaque confecto redeunt quinquennia lustro, cum levis alterno zephyrus concrebruit euro, et prono gravidum provexit pondere currum. felix illa dies, felix et dicitur annus, felices, qui talem annum videre diemque. |