BIBLIOTHECA OXONIENSIS DOM MINA OXONII E TYPOGRAPHEO CLARENDONIANO LONDINI ET NOVI EBORACI APUD HUMPHREDUM MILFORD AB VRBE CONDITA RECOGNOVERVNT ET ADNOTATIONE CRITICA INSTRVXERVNT ROBERTVS SEYMOUR CONWAY IN VNIVERSITATE MANCVNIENSI HVMANITATIS PROFESSOR ET CAROLVS FLAMSTEAD WALTERS IN VNIVERSITATE LONDINIENSI LITTERARVM CLASSICARVM PROFESSOR TOMVS I. LIBRI I-V OXONII E TYPOGRAPHEO CLARENDONIANO MD CCCC XIV Univ. Library, Univ. Calif., Santa Cruz OXONII Excudebat HORATIVS HART, A.M. Copyright 1914 by Oxford University Press American Branch ро PRAEFATIO EDITORIS 1 § 1. CVM abhinc annos tredecim textum primae Decadis Liuianae edendum suscepi, praeuidere prorsus nequibam. quantum temporis necessaria operis ratio foret postulatura. Praeter enim duos codices adhuc neglectos, Oxoniensem (§ 17) anno 1905 ab amico Alexandro Soutero, nunc Professore Aberdonensi, Agenensem (§ 29) anno 1904 a collega Waltersio indicatum, quos in usum trahendos esse statim comparebat, experientia satis acri edoctus sum quam lacunosa adhuc esset, etiam post insignes uirorum doctorum curas, notorum quoque codicum notitia. Fragmentorum Veronensium ($7) quoad exstat testimonium stabilierat Mommsenius anno 1868; codices optimos Mediceum (§ 9) et Parisiensem (§ 13) fide ac diligentia normam aetatis suae longe transcendens anno 1841 excusserat Alschefskius; eximiam uero nostris studiis lucem attulerat Frigellius, qui cum per amplius uiginti annos, ut ipse testatur, codicibus Liuianis operam nauasset, quattuor codicum (per totam Decadem a se conlatorum) Medicei Parisiensis Romani (§ 24) Upsaliensis (§ 15) testimonium, plurimis in locis multorum aliorum lectiones addens, scilicet Floriacensis (§ 14) et Dominicani (§ 25) et decem deteriorum codicum et nouem Editionum ueterum, per tres priores Libros edidit (Collatio Codicum Livianorum Lib. I-III, Upsaliae, 1878); Upsaliensem quoque totum Häggströmius conlatum iam prius ediderat (1874). Ex 1 Gratias agimus amicis doctissimis Professoribus Postgatio et Andersonio nec non Equiti aur. clarissimo Vniuersitatis Cantabrigiensis Oratori Publico Iohanni Eduino Sandys quorum opera benignissima obscuritates multae de hac praefatione sublatae sunt. |