300763 HISTOIRE ROMAINE DE TITE-LIVE, TRADUCTION NOUVELLE PAR DUREAU DE LAMALLE, DE L'ACADÉMIE FRANÇAISE, TRADUCTEUR DE TACITE ET DE SALLUSTE; REVUE PAR M. NOËL, - Membre de la Légion d'honneur, Inspecteur général, Conseiller ordinaire de CHEZ MICHAUD FRÈRES, IMPRIMEURS-LIBRAIRES, ET CHEZ H. NICOLLE, A LA LIBRAIRIE STÉRÉOTYPE, RUE DE SEINE, No. 12. M. DCCC. X. SEDITIONES de agrariis legibus factæ. Capitolium ab exsulibus et servis occupatum, cæsis iis receptum est. Census bis actus; priore lustro censa civium capita centum quatuor et viginti millia ducenta quatuordecim, præter orbos orbasque : sequenti, centum triginta duo millia quadraginta novem. Cùm adversùs Æquos res malè gesta esset, 1. Quintius Cincinnatus dictator factus, cùm rure intentus rustico operi esset, ad id bellum gerendum arcessitus est. Is victos hostes sub jugum misit. Tribunorum plebis numerus ampliatus est, ut essent decem, trigesimo sexto anno à primis tribunis plebis. Petitis per legatos, et allatis Atticis legibus, ad constituendas eas proponendasque decemviri pro consulibus sine ullis aliis magistratibus creati, altero et trecentesimo anno, quàm Roma condita crat: et ut à regibus ad consules, ita à consulibus ad decemviros translatum imperium. Ii decem tabulis legum positis, cùm modestè se in eo honore gessissent, et ob id in alterum quoque annum eundem esse magistratum placuisset, duabus tabulis ad decem adjectis, cùm complura impotenter fecissent, magistratum noluerunt deponere, et in tertium annum retinuerunt : donec invicto eorum imperio finem attulit libido Ap. Clauđii; qui cùm in amorem virginis incidisset, submisso qui eam in servitutem peteret, necessitatem patri ejus Virginio imposuit, rapto ex tabernâ proximâ cultro, ut filiam interimeret, cùm aliter eam tueri non posset, ne in potestatem stuprum illaturi veniret. Hoc tam magnæ luxuriæ exemplo plebs incitata, montem Aventinum occupavit: coëgitque decemviros abdicare se magistratu; ex quibus Appius, et unus collegarum, qui præcipuè pœnam meruerant, in carcerem conjecti; ceteri in exsilium acti. Res præterea contra Sabinos, et Volscos, et Æquos prosperè gestas continet et parum honestum populi Romani judicium, qui judex inter Ardeates et Aricinos sumptus, agrum de quo ambigebatur, sibi adjudicavit. |