Opuscula varii argumenti

III

fectum absolutumque videretur, quum singula apte, perspicue, et pro rerum captu graviter etiam et ornate explicarentur. Itaque, quo magis stulti Veterum imitatores jure ridentur diuque explosi sunt, tanto magis praedicandae cognoscendaeque sunt Wyttenbachii laudes, qui ita Graecos Latinosque scriptores tractaverit, eaque in diversissimis argumentis orationis forma usus sit, non ut alienus, sed suus videretur, quique ita ad optimi cujusque Veterum similitudinem accederet, quod illorum lectione ingenium plane Socraticum subegisset. Jam talis viri veluti cursum perspicere, cognitis inde a primo doctrinae specimine plerisque omnibus, in quibus lumen illud judicii orationisque maxime extaret, cum gratum sit omnibus necesse est, tum utilissimum, paene dixeris necessarium, iis qui hoc stadium ingressi praeclaros doctrinae fructus spectant.

Haec illi. Quibus ut obtemperaremus hunc delectum instituimus, ut majoribus relictis, quae non sine magna voluminum mole usurpari poterant, ea tantum seligeremus, quae breviora essent, quaeque ipsa per se, etiam extra bibliothecae apparatum, cum fructu legi possent. Unde nata sunt haec duo volumina;

quibus adjecimus Indices Doct. Bergmanni industria confectos. Singula autem sic repetita sunt, ut religiosissime priorem Editionem redderemus neque nisi operarum errata corrigeremus, additis hic illic paucis, quibus ipse Wyttenbachius sua castigare solebat. Reliquum est ut insignem commemoremus liberalitatem Curatorum Legati Teyleriani Virorum Amplissimorum, qui nobis Disputationis De Animi Immortalitate hac editione repetendae perhumaniter potestatem fecerant.

1

SE

OPUSCULORUM

QUAE VOL. I. CONTINENTUR.

Epistola Critica ad D. Ruhnkenium. ad pag.

Dedicatio ex editione Libelli Plutarchei de

Sera Numinis Vindicta.

Praefatio ex eadem editione.