T. LIVII PATAVINI HISTORIARUM LIBRI QUI SUPERSUNT CUM DEPERDITORUM FRAGMENTIS ET EPITOMIS OMNIUM. AD OPTIMARUM EDITIONUM FIDEM SCHOLARUM IN USUM CURAVIT G. H. LÜNE MANN, PHILOS. DOCTOR AC GYMNASII GOTTINGENSIS RECTOR. VOL. III. HANNOVERAE, 1829. IN BIBLIOPOLIO AULICO Η Α ΗΝΙΑΝΟ. Lex Oppia, quam C. Oppius tribunus plebis bello Punico T. de finiendis matronarum cultibus tulerat, cum magna contentione abrogata est; quum Porcius Cato auctor fuisset, ne ea lex aboleretur. Is, in Hispaniam profectus, bello, quod Emporiis orsus est, citeriorem Hispaniam pacavit, Quinctius Flamininus bellum adversus Lacedaemonios et tyrannum eorum Nabidem prospere gestum, data iis pace, qualem ipse voluit, liberatisque Argis, qui sub ditione tyranni erant, finivit. Senatus tunc primum secretus a populo ludos spectavit: ut id fieret, Sex. Aelius Paetus et C. Cornelius Cethegus censores intervenerunt, cum indignatione plebis. Coloniae pleraeque deductae sunt, M. Porcius Cato de Hispania triumphavit. Res praeterea in Hispania, et adversus Bojos et Insubres Gallos feliciter gestae referuntur. T. Quinctius Flamininus, qui Philippum Macedonum regem et Nabidem Lacedaemoniorum tyrannum vicerat, Graeciamque omnem liberaverat, ob hanc rerum gestarum multitudinem triduo triumphavit. Legati Carthaginiensium nunciaverunt, Hannibalem, qui ad Antiochum confugerat, bellum cum eo moliri. Tentaverat autem Hannibal per Aristonem Tyrium, sine literis Carthaginem missum, ad rebellandum Poenos concitare. I. Inter bellorum magngrum, aut vixdum finitorum, aut imminentium, curas intercessit res parva dictu, sed quae studiis in magnum certamen excesserit. M. Fundanius et L. Valerius tribuni plebei ad plebem tulerunt de Oppia lege abroganda. Tulerat eam C. Oppius tribunus plebis, 2 Livius P. III. A |