C. CRISPI SALUSTII QUAE EXSTANT. Recognovit, varias lectiones, e codicibus Basileensibus, Bernensibus, ADIECIT FRANCISCUS DOROTHEUS GERLACH, VOL. III. BASILEAE IN LIBRARIA SCHWEIGHAUSERIANA. TYPIS ET SUMPTIBUS AUGUSTI WIELANDI, TYPOGRAPH. ACAD. MDCCCXXXI. COMMENTARII ET INDICES IN C. SALUSTII CRISPI CATILINAM, JUGURTHAM ET HISTORIARUM FRAGMENTA. AUCTORE FR. DOROTHEO GERLACHIO. VOL. II. Accedunt fragmenta Vaticana, Julii Exsuperantii de bellis BASILEAE IN LIBRARIA SCHWEIGHAUSERIANA, TYPIS ET SUMPTIBUS AUGUSTI WIELANDI, TYPOGRAPH. ACAD. MDCCCXXXI. F.D. GERLACHIUS ARNOLDO LUDOVICO HEERENIO. S. P. D. Tibi potissimum, Vir Clarissime! hos Commentarios dedicare volui, duabus de causis; primum, quod mihi de historicis rebus agenti doctior et intelligentior veritatis existimator non erat quærendus; deinde ut meæ in te pietatis leve certe exstaret monumentum. Sed instituti operis ratio hæc est. Primum res gestas P. R. quæ Salustii fragmentis illustrantur, accuratius, quam adhuc factum erat, per annos digestas, breviter enarravi. Tum ipsa examinavi fragmenta, et reliquos rerum scriptores, tam Græcos quam Latinos priorumque interpretum conjecturas in auxilium vocando, quantum fieri potuit, illustravi, digessi et quo loco et ordine singula ponenda essent, exposui. Sequitur brevis totius operis Salustiani descriptio, quam facilius conjecturis quæsiveris quam firmis ad probandum argumentis docueris. Adjeci tres indices; unum fragmentorum, a Bardilio, doctissimo viro, summa cum diligentia confectum; alterum historicum, prioribus multo emendatiorem atque auctiorem; tertium Latinitatis, ad exemplum Wassiani et Cortiani institutum, sed melius dispositum, aliis |