C. SALLUSTI CRISPI CATILINA IUGURTHA EX HISTORIIS -ORATIONES ET EPISTULAE. IN USUM SCHOLARUM EDIDIT ADAM EUSSNER. LIPSIAE IN AEDIBUS B. G. TEUBNERI MDCCCXCI. PRAEMONITUM EDITORIS. ་ Sallustius a me recognitus quibus potissimum locis ab optimis libris ita discedat, ut inter se dissentientibus illis unum pluresve sequatur aut corruptis iisdem ad deteriores redeat vel probabilia sectetur coniecturis, prope diem praefari mihi licebit et doctorum iudicio subicere. In his interim exemplaribus, quae scholarum maxime in usum eduntur, breviter indicavi discrepantiam prioris editionis Teubnerianae, quam curaverat Rudolfus Dietsch. Quae tamen ad verborum formas scribendique rationes pertinent, non omnia enumeravi, sed notabiliora quaedam e Bello Catilinae exempli causa proposui. Praeterea, discipulorum ut consulerem utilitati, ipsis Bellis et Historiarum orationibus atque epistulis praemisi selecta veterum de Sallustio testimonia. 183800 a |
